1952 جىلعى قالا تۇرعىنى ۇلاس يساققىزى كورونوۆيرۋستى جەڭىپ شىقتى. وكپەسىنىڭ 85 پايىزى زاقىمدالعان قارت كىسىنى شىمكەنت قالاسىنداعى جۇقپالى اۋرۋلار اۋرۋحاناسىنىڭ دارىگەرلەرى امان الىپ قالدى.
دارىگەرلەردىڭ ايتۋىنشا كومپيۋتەرلىك توموگرافيا ناتيجەسىندە ناۋقاستا ەكى جاقتى پنەۆمونيا انىقتالعان. بۇعان قوسا پتر ساراپتاماسى بويىنشا ۇلاس يساققىزىندا Covid-19 ۆيرۋسى بار ەكەنى بەلگىلى بولعان.
28-شىلدە كۇنى اۋىر حالدە جۇقپالى اۋرۋلار اۋرۋحاناسىنا جەدەل جاردەم قىزمەتىمەن جەتكىزىلگەن ناۋقاستىڭ 3 تامىز كۇنى جاعدايى كۇرت ناشارلاعان سوڭ دارىگەرلەر ونى جانساقتاۋ بولىمىنە اۋىستىرىپ، جاساندى تىنىس الۋ اپپاراتىنا قوسادى.
ەمدەۋ بارىسىندا قارت كىسىگە رەانيماتسيالىق جانە ۆيرۋسقا قارسى تەراپيالىق ەمدەر ۇزدىكسىز جۇرگىزىلدى.
دارىگەردىڭ ايتۋىنشا، ايلاپ جانساقتاۋ بولىمىندە جاتقان ناۋقاستىڭ سوزىلمالى اۋرۋلارىنا بايلانىستى اسقىنۋلار بولعان. اراعا ءبىر اي سالىپ، ناۋقاستىڭ جاعدايى جاقسارعان سوڭ دارىگەرلەر ونى پالالاتاعا اۋىستىرعان. ەمدەۋ جۇمىستارى وڭ ناتيجە كورسەتىپ، بۇگىن 69 جاستاعى ۇلاس يساققىزى ۇيىنە شىقتى.
"ادىرنا" ۇلتتىق پورتالى
