1952 jylǵy qala turǵyny Ulas Isaqqyzy koronovırýsty jeńip shyqty. Ókpesiniń 85 paıyzy zaqymdalǵan qart kisini Shymkent qalasyndaǵy juqpaly aýrýlar aýrýhanasynyń dárigerleri aman alyp qaldy.
Dárigerlerdiń aıtýynsha kompıýterlik tomografııa nátıjesinde naýqasta eki jaqty pnevmonııa anyqtalǵan. Buǵan qosa PTR saraptamasy boıynsha Ulas Isaqqyzynda Covid-19 vırýsy bar ekeni belgili bolǵan.
28-shilde kúni aýyr halde juqpaly aýrýlar aýrýhanasyna jedel járdem qyzmetimen jetkizilgen naýqastyń 3 tamyz kúni jaǵdaıy kúrt nasharlaǵan soń dárigerler ony jansaqtaý bólimine aýystyryp, jasandy tynys alý apparatyna qosady.
Emdeý barysynda qart kisige reanımaııalyq jáne vırýsqa qarsy terapııalyq emder úzdiksiz júrgizildi.
Dárigerdiń aıtýynsha, aılap jansaqtaý bóliminde jatqan naýqastyń sozylmaly aýrýlaryna baılanysty asqynýlar bolǵan. Araǵa bir aı salyp, naýqastyń jaǵdaıy jaqsarǵan soń dárigerler ony palalataǵa aýystyrǵan. Emdeý jumystary oń nátıje kórsetip, búgin 69 jastaǵy Ulas Isaqqyzy úıine shyqty.
"Adyrna" ulttyq portaly
