شىمكەنت: «مارتوبە» كەشەنىن كورۋگە 70 مىڭداي تۋريست كەلگەن

920
Adyrna.kz Telegram

بۇگىندە شىمكەنت قالاسىندا 110 تۋريستىك نىسان بار. ونىڭ جەتەۋى رەسپۋبليكالىق ماڭىزى بار «قازاقستاننىڭ كيەلى جەرلەرى» جوباسىنا ەنگەن.

وسىنداي تاريحي ءارى تۋريستىك نىساننىڭ ءبىرى – مارتوبە كەشەنى.

ەرەكشە كەشەن شاھارداعى سايرام تۇرعىن الابى مەن قارامۇرت اۋىلىنىڭ ارالىعىندا ورنالاسقان. قالاشىقتىڭ ورنى ءۇىى-ءحىى عاسىرلارعا ءتان. بيىكتىگى 6-7 مەتردى قۇرايدى.

بۇل اۋماقتا ايگىلى دالا پارلامەنتىنىڭ كەلەلى جيىندارى ءوتىپ، «جەتى جارعىعا» ءمور باسىلعان. قولايلى كليمات، اينالانىڭ «ءبىر كوزدەن» كورىنىسى، تاشكەنت پەن تۇركىستان سياقتى ءىرى قالالاردىڭ جاقىن ورنالاسۋى – وسى قازاق بيلەرى جينالاتىن جەردى تاڭداۋدىڭ نەگىزگى فاكتورى بولعان.

مارتوبە كەشەنى بۇگىنگى تاڭدا تانىمال تۋريستىك ايماقتاردىڭ ءبىرى بولىپ كەلەدى. وتكەن جىلدان بەرى تاريحي نىسانداردى تاماشالاۋعا 70 مىڭداي تۋريست كەلگەن.

ءمولدىر يبادۋللاەۆا

پىكىرلەر