Búginde Shymkent qalasynda 110 týrıstik nysan bar. Onyń jeteýi respýblıkalyq mańyzy bar «Qazaqstannyń kıeli jerleri» jobasyna engen.
Osyndaı tarıhı ári týrıstik nysannyń biri – Mártóbe kesheni.
Erekshe keshen Shahardaǵy Saıram turǵyn alaby men Qaramurt aýylynyń aralyǵynda ornalasqan. Qalashyqtyń orny ÚII-HII ǵasyrlarǵa tán. Bıiktigi 6-7 metrdi quraıdy.
Bul aýmaqta áıgili Dala parlamentiniń keleli jıyndary ótip, «Jeti jarǵyǵa» mór basylǵan. Qolaıly klımat, aınalanyń «bir kózden» kórinisi, Tashkent pen Túrkistan sııaqty iri qalalardyń jaqyn ornalasýy – osy qazaq bıleri jınalatyn jerdi tańdaýdyń negizgi faktory bolǵan.
Mártóbe kesheni búgingi tańda tanymal týrıstik aımaqtardyń biri bolyp keledi. Ótken jyldan beri tarıhı nysandardy tamashalaýǵa 70 myńdaı týrıst kelgen.
Móldir Ibadýllaeva
