«دومالاق انا» وپەراسى ەلوردالىق كورەرمەننىڭ نازارىنا ۇسىنىلدى

844
Adyrna.kz Telegram

شىمكەنت قالالىق وپەرا جانە بالەت تەاترى اتى اڭىزعا اينالعان اۋليە انا – دومالاق اناعا ارنالعان وپەرانى نۇر-سۇلتان قالاسىنىڭ كورەرمەندەرىنە تارتۋ ەتتى.

قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي، شىمكەنت قالالىق وپەرا جانە بالەت تەاترىنىڭ ديرەكتورى جانە باستى ءرولدى سومداۋشى مايرا مۇحامەدقىزىنىڭ جەكە شىعارماشىلىق يدەياسىنان تۋعان، تاۋەلسىز قازاقستان جىلدارىندا جازىلعان ەكىنشى وپەرا – ت.جارمۇقامەتتىڭ «دومالاق انا» وپەراسى كوپشىلىك ونەر سۇيەر قاۋىمنىڭ ىستىق ىقىلاسىنا بولەندى.

قازاق تاريحىنداعى اتى اڭىزعا اينالعان ابىز انالارىمىزدىڭ ىشىندە قاسيەتتى دومالاق انا تۋرالى وقيعا تاريحي شىندىعىنىڭ مولدىعىمەن دارالانىپ تۇراتىن شىعارمالاردىڭ ءبىرى ەكەندىگى ءسوزسىز. قازاق حالقىننىڭ وزىنە ءتان قاسيەتتى انا بەينەسى «دومالاق انا» وپەراسىندا تەرەڭدىكپەن جەتكىزىلگەن.

شىمكەنت وپەرا جانە بالەت تەراترىنىڭ تاۋەلسىزدىك جىلدارىنداعى تاريحىندا ءبىرىنشى رەت ەڭ اۋقىمدى، العاشقىسى «دومالاق انا» وپەراسى.

جاڭا وپەرانى ساحنالاۋعا الەمگە ايگىلى جانە ەلىمىزگە تانىمال ونەر مايتالماندارى جۇمىلدىرىلدى. وپەرادا جالپى سانى 150-دەن استام ءارتىس ءرول سومدايدى.

يدەيا اۆتورى – قر ەڭبەك سىڭىرگەن ءارتىسى، مەملەكەتتىك سىيلىقتىڭ لاۋرەاتى مايرا مۇحامەدقىزى، قويىلىمنىڭ كومپوزيتورى قر مادەنيەت سالاسىنىڭ ۇزدىگى، حالىقارالىق بايقاۋلادىڭ لاۋرەاتى، تاسقىن جارمۇقامەت. ليبرەتتوسىن جازعان قر ەڭبەك سىڭىرگەن قايراتكەرى اسحات ماەميروۆ. قويۋشى-رەجيسسەر – ميحايل پاندجاۆيدزە، قويۋشى-ديريجەر – ءمادي ومىرزاقوۆ، قويۋشى-سۋرەتشى – باقىت كۇزەمباەۆ، كوستيۋم بويىنشا سۋرەتشى – سابيرا داۋلەتاليەۆا، قويۋشى-بالەتمەيستەر – ابدۋراسۋل ەسەكەەۆ، ريتا حايرۋشەۆا; قويۋشى-حورمەيستەر – باعلان التاەۆ، كوركەمدىك جەتەكشى – ماديحان دۋيسەەۆ.

شىمكەنت قالالىق وپەرا جانە بالەت تەاترىنىڭ العاشقى گاسترولدىك ساپارى شىمكەنت جانە نۇر-سۇلتان قالالارى اكىمدىكتەرىنىڭ تاراپىنان قولداۋ تاپتى.

"ادىرنا" ۇلتتىق پورتالى 

پىكىرلەر