«Domalaq ana» operasy elordalyq kórermenniń nazaryna usynyldy

843
Adyrna.kz Telegram

Shymkent qalalyq opera jáne balet teatry aty ańyzǵa aınalǵan áýlıe ana – Domalaq anaǵa arnalǵan operany Nur-Sultan qalasynyń kórermenderine tartý etti.

Qazaqstan Respýblıkasy Táýelsizdiginiń 30 jyldyǵyna oraı, Shymkent qalalyq opera jáne balet teatrynyń dırektory jáne basty róldi somdaýshy Maıra Muhamedqyzynyń jeke shyǵarmashylyq ıdeıasynan týǵan, Táýelsiz Qazaqstan jyldarynda jazylǵan ekinshi opera – T.Jarmuqamettiń «Domalaq ana» operasy kópshilik óner súıer qaýymnyń ystyq yqylasyna bólendi.

Qazaq tarıhyndaǵy aty ańyzǵa aınalǵan abyz analarymyzdyń ishinde qasıetti Domalaq ana týraly oqıǵa tarıhı shyndyǵynyń moldyǵymen daralanyp turatyn shyǵarmalardyń biri ekendigi sózsiz. Qazaq halqynnyń ózine tán qasıetti ana beınesi «Domalaq ana» operasynda tereńdikpen jetkizilgen.

Shymkent opera jáne balet teratrynyń Táýelsizdik jyldaryndaǵy tarıhynda birinshi ret eń aýqymdy, alǵashqysy «Domalaq ana» operasy.

Jańa operany sahnalaýǵa álemge áıgili jáne elimizge tanymal óner maıtalmandary jumyldyryldy. Operada jalpy sany 150-den astam ártis ról somdaıdy.

Ideıa avtory – QR Eńbek sińirgen ártisi, Memlekettik syılyqtyń laýreaty Maıra Muhamedqyzy, qoıylymnyń kompozıtory QR Mádenıet salasynyń úzdigi, Halyqaralyq baıqaýladyń laýreaty, Tasqyn Jarmuqamet. Lıbrettosyn jazǵan QR Eńbek sińirgen qaıratkeri Ashat Maemırov. Qoıýshy-rejısser – Mıhaıl Pandjavıdze, qoıýshy-dırıjer – Mádı Ómirzaqov, qoıýshy-sýretshi – Baqyt Kúzembaev, kostıým boıynsha sýretshi – Sabıra Daýletalıeva, qoıýshy-baletmeıster – Abdýrasýl Esekeev, Rıta Haırýsheva; qoıýshy-hormeıster – Baǵlan Altaev, kórkemdik jetekshi – Madıhan Dýıseev.

Shymkent qalalyq opera jáne balet teatrynyń alǵashqy gastroldik sapary Shymkent jáne Nur-Sultan qalalary ákimdikteriniń tarapynan qoldaý tapty.

"Adyrna" ulttyq portaly 

Pikirler