شىمكەنت قالاسىنىڭ اكىمى م. ايتەنوۆ «تۇرلان» شاعىناۋدانى م.تورەزا كوشەسىندەگى №6, 6ا، 6ب، 6ۆ تۇرعىن ۇيلەرىنىڭ اۋلاسىن اباتتاندىرۋ جۇمىستارىنىڭ بارىسىن ارالاپ كوردى.
№6, 6ا، 6ب، 6ۆ تۇرعىن ءۇيدىڭ اۋلاسىنا بالالار ويىن الاڭشاسىن ورناتۋ ءۇشىن بيۋدجەتتەن 78,9 ملن تەڭگە قارجى قارالعان. مەردىگەر مەكەمە «دورسەرۆيس» جشس قۇرىلىس جۇمىستارىن جۇرگىزۋدە. بالالار ويىن الاڭشاسىندا ورناتىلعان قۇرىلعىلار 100% شىمكەنتتە وندىرىلگەن ونىمدەر. قۇرىلىس جۇمىستارى بيىل قىركۇيەك ايىندا تولىق اياقتالادى.
اباي اۋدانى اۋماعىندا جالپى 21 اۋلانى اباتتاندىرۋ ءۇشىن بيۋدجەتتەن 695,1 ملن تەڭگە قارجى قارالعان. بۇگىنگى تاڭدا مەردىگەر انىقتالىپ، كەلىسىمشارت ءتۇزۋ جۇمىستارى جۇرگىزىلۋدە.
ەلدىمەكەندەر مەن كوپقاباتتى تۇرعىن ءۇي اۋلالارىنا 35 سپورت الاڭشاسىن ورناتۋ ءۇشىن بيۋدجەتتەن 678,3 ملن تەڭگە قارجى قارالىپ وتىر. بۇگىنگى تاڭدا مەردىگەر انىقتالىپ، كەلىسىمشارت ءتۇزۋ جۇمىستارى اتقارىلۋدا.
تۇرعىندارمەن كەزدەسكەن قالا اكىمى، بۇل باعىتتا جۇمىستاردىڭ ۇنەمى جالعاساتىنىن ايتا كەلە، اۋلاعا ورناتىلعان دۇنيەلەردى كۇتىپ ۇستاۋدىڭ ماڭىزدىلىعىنا توقتالدى.
"ادىرنا" ۇلتتىق پورتالى
