Shymkent qalasynyń ákimi M. Áıtenov «Turlan» shaǵynaýdany M.Toreza kóshesindegi №6, 6A, 6B, 6V turǵyn úıleriniń aýlasyn abattandyrý jumystarynyń barysyn aralap kórdi.
№6, 6A, 6B, 6V turǵyn úıdiń aýlasyna balalar oıyn alańshasyn ornatý úshin bıýdjetten 78,9 mln teńge qarjy qaralǵan. Merdiger mekeme «Dorservıs» JShS qurylys jumystaryn júrgizýde. Balalar oıyn alańshasynda ornatylǵan qurylǵylar 100% Shymkentte óndirilgen ónimder. Qurylys jumystary bıyl qyrkúıek aıynda tolyq aıaqtalady.
Abaı aýdany aýmaǵynda jalpy 21 aýlany abattandyrý úshin bıýdjetten 695,1 mln teńge qarjy qaralǵan. Búgingi tańda merdiger anyqtalyp, kelisimshart túzý jumystary júrgizilýde.
Eldimekender men kópqabatty turǵyn úı aýlalaryna 35 sport alańshasyn ornatý úshin bıýdjetten 678,3 mln teńge qarjy qaralyp otyr. Búgingi tańda merdiger anyqtalyp, kelisimshart túzý jumystary atqarylýda.
Turǵyndarmen kezdesken qala ákimi, bul baǵytta jumystardyń únemi jalǵasatynyn aıta kele, aýlaǵa ornatylǵan dúnıelerdi kútip ustaýdyń mańyzdylyǵyna toqtaldy.
"Adyrna" ulttyq portaly
