شىمكەنت قالاسىنىڭ اكتيۆى جولداۋدى تالقىلادى

822
Adyrna.kz Telegram

شىمكەنت قالاسىنىڭ اكتيۆى مەملەكەت باسشىسى قاسىم-جومارت توقاەۆتىڭ قازاقستان حالقىنا ارناعان «حالىق بىرلىگى جانە جۇيەلى رەفورمالار-ەل وركەندەۋىنىڭ بەرىك نەگىزى» جولداۋىن تالقىلاپ، وندا جۇكتەلگەن تاپسىرمالار مەن مىندەتتەردىڭ ورىندالۋىن قامتاماسىز ەتۋگە جۇمىس جاسايتىندارىن مالىمدەدى. سونىمەن قاتار الداعى ۋاقىتتا ناسيحاتتىق توپ ەل دامۋىنىڭ باس جوسپارى – جولداۋدى حالىققا تۇسىندىرەتىن بولادى، دەپ حابارلايدى "ادىرنا" ۇلتتىق پورتالى وتىرار.كز سايتىنا سىلتەمە جاساپ.

شىمكەنت قالالىق اكىمدىگىنىڭ ءماجىلىس زالىنا جينالعان قاۋىم قر پرەزيدەنتى قاسىم-جومارت توقاەۆتىڭ قازاقستان حالقىنا ارناعان كەزەكتى جولداۋىن كەڭىنەن تالقىلادى .

يكرام حاشيمجانوۆ، قوعام بەلسەندىسى: «ەگەردە  اۋىل شراۋاشىلىعىنا كوڭىل بولمەسەك، باعالار تۇسپەيدى. پرەزيدەنت جولداۋىنادا سۋبسيدياعا قاتىستى سىن ايتتى. سۋبسيديا  قاراپايىم شارۋاشىلىقتار ءۇشىن قولجەتىمدى  بولۋى ءتيىس. تەك وسى تالاپتار ورىندالعاندا، ءبىز ءوزىمىزدى اۋىل شارۋاشىلىعى ونىمدەرىمەن  قامتيمىز»

اسيا مۋحامەدوۆا، شىمكەنت قالاسىنىڭ تاتار-باشۇقرت مادەني ورتالىعىنىڭ ءتورايىمى: «جولداۋدا پرەزيدەنت دەنساۋلىق ساقتاۋ سالاسىندا اتقارىلاتىن جۇمىستارعا اسا نازار اۋداردى. سالاعا قوماقتى قارجى قۇيۋ كەرەك. پرەزيدەنتتىڭ ينۆەستورلاردى تارتىپ، وزىق تەحنولوگيالاردى جانە جاڭا زەرتتەۋ جۇمىستارىن يگەرۋدى قولعا الۋ كەرەك دەگەن تاپسىرماسى الداعى ۋاقىتتا ەمحانا، اۋرۋحانا، عىلىمي ورتالىقتاردىڭ زامانۋي تالاپتارعا ساي جۇمىس ىستەۋىنە جول اشادى. سونىمەن قاتار مەديتسينا قىزمەتكەرلەرىنىڭ بەدەلىن ارتتىرۋ جانە ولاردىڭ جالاعىسىن كوتەرۋ سياقتى باستامالار مەنىڭ كوڭىلىمنەن شىقتى».

پاندەميادان كەيىنگى كەزەڭدەگى ەكونوميكالىق دامۋدى جالعاستىرۋ ماقساتىندا 2025 جىلعا دەيىنگى دامۋدىڭ ۇلتتىق جوسپارى جانە مەملەكەتتىك جوسپارلاۋدىڭ جاڭا جۇيەسى قابىلداندى. ايقىندالعان مىندەتتەردى جۇزەگە اسىرۋ بويىنشا جۇمىستار باستالىپ كەتتى.

مۇرات ايتەنوۆ، شىمكەنت قالاسىنىڭ اكىمى: «بيزنەستىڭ جول كارتاسى بويىنشا بىلتىرعىمەن سالىستىرعاندا بيىل  قارجىلاندىرۋ  ارتىپ، 4,8 ملرد. قۇرادى. 7 ايدا 970  جوبا قارجىلاندىرىلدى.ناتيجەسىندە جاڭا جۇمىس ورىندارى اشىلدى».

جولداۋداعى ەڭبەك نارىعىندا ءتيىمدى ەكوجۇيە قالىپتاسىرۋ باعىتىندا ۇكىمەتتىڭ كوشى-قون ساياساتىنىڭ جاڭا تۇجىرىمداماسىن ازىرلەۋ جونىندەگى تاپسىرمانى قولداعان اعا بۋىن وكىلدەرى، ەل ىشىندەگى ەڭبەك كۇشىنىڭ ۇتقىرلىعى ماسەلەسىنە قاتىستى ويلارىن دا جەتكىزدى.

جولداۋداعى الەۋمەتتىك ماڭىزى بار تاۋارلاردىڭ باعاسىن تۇراقتاندىرۋ باعىتىندا شاحاردا جۇمىس ارى قاراي جالعاسىپ، بۇل ماقساتتى جۇزەگە اسىرۋعا قوماقتى قارجى بولىنەتىن بولدى.

جەلگىلىكتى كاسىپكەرلەر، وتاندىق تاۋارلاردىڭ قاتارىن تولىقتىرۋ باعىتىندا ورتا جانە شاعىن بيزنەس وكىلدەرىنە قولداۋ كورسەتىلەتىنى ءبىزدى ىنتالاندىرادى دەيدى.

تورەايىم سۇلتانوۆا، كاسىپكەر، قالالىق ءماسليحات دەپۋتاتى: «ۇكىمەت تاراپىنان  قولداۋ ءبىزدىڭ جۇمىسىمىزعا سەرپىن بەرەدى. ەكىنشى جاعىنان پرەزيدەنت پارلامەنتكە  ءاربىر زاڭ جوباسىنىڭ قىر سىرىنا تەرەڭ ءۇڭىلىپ ونى ساپالى دايىنداۋ تاپسىرىلدى. بىزدە ءماسليحات دەپۋتاتتارى قالامىزدىڭ ەكونوميكالىق دامۋىنا  ۇلەسىن قوسىپ  كەلەدى دەپ ايتا الامىن».

شاحار باسشىسى، پرەزيدەنت جولداۋىندا ايتىلعان جۇمىستاردى جۇزەگە اسىرۋ بويىنشا ءاربىر باسقارماعا جەكە تاپسىرما بەردى.

مۇرات ايتەنوۆ، شىمكەنت قالاسىنىڭ اكىمى: «ورىنباسارىم ەرعالي  بىلىسبەكوۆكە، قارجى باسقارماسى، ەكونوميكا جانە بيۋدجەتتىك جوسپارلاۋ باسقارماسى باسشىلارىنا بيۋدجەتتىڭ ورىندالۋىن قارجىنىڭ ءتيىمدى جۇمسالۋىن قاتاڭ باقىلاۋدى تاپسىرامىن».

زيالى قاۋىم، مەملەكەتتىك قىزمەتكەرلەر، قوعام بەلسەندىلەرى، دەپۋتاتتاردان جاساقتالعان ناسيحاتتىق توپ شەشۋشى كەزەڭگە قادام باسقان مەملەكەتىمىزدى دامىتۋدىڭ باس جوسپار، باعىت باعدارىن حالىققا تۇسىندىرەدى.

"ادىرنا" ۇلتتىق پورتالى 

پىكىرلەر