Shymkent qalasynyń aktıvi memleket basshysy Qasym-Jomart Toqaevtyń Qazaqstan halqyna arnaǵan «Halyq birligi jáne júıeli reformalar-el órkendeýiniń berik negizi» joldaýyn talqylap, onda júktelgen tapsyrmalar men mindetterdiń oryndalýyn qamtamasyz etýge jumys jasaıtyndaryn málimdedi. Sonymen qatar aldaǵy ýaqytta nasıhattyq top el damýynyń bas jospary – joldaýdy halyqqa túsindiretin bolady, dep habarlaıdy "Adyrna" ulttyq portaly Otyrar.kz saıtyna silteme jasap.
Shymkent qalalyq ákimdiginiń májilis zalyna jınalǵan qaýym QR prezıdenti Qasym-Jomart Toqaevtyń Qazaqstan halqyna arnaǵan kezekti joldaýyn keńinen talqylady .
Ikram Hashımjanov, qoǵam belsendisi: «Egerde aýyl shraýashylyǵyna kóńil bólmesek, baǵalar túspeıdi. Prezıdent joldaýynada sýbsıdııaǵa qatysty syn aıtty. sýbsıdııa qarapaıym sharýashylyqtar úshin qoljetimdi bolýy tıis. Tek osy talaptar oryndalǵanda, biz ózimizdi aýyl sharýashylyǵy ónimderimen qamtımyz»
Asıa Mýhamedova, Shymkent qalasynyń tatar-bashuqrt mádenı ortalyǵynyń tóraıymy: «Joldaýda prezıdent densaýlyq saqtaý salasynda atqarylatyn jumystarǵa asa nazar aýdardy. Salaǵa qomaqty qarjy quıý kerek. Prezıdenttiń ınvestorlardy tartyp, ozyq tehnologııalardy jáne jańa zertteý jumystaryn ıgerýdi qolǵa alý kerek degen tapsyrmasy aldaǵy ýaqytta emhana, aýrýhana, ǵylymı ortalyqtardyń zamanýı talaptarǵa saı jumys isteýine jol ashady. Sonymen qatar medıına qyzmetkerleriniń bedelin arttyrý jáne olardyń jalaǵysyn kóterý sııaqty bastamalar meniń kóńilimnen shyqty».
Pandemııadan keıingi kezeńdegi ekonomıkalyq damýdy jalǵastyrý maqsatynda 2025 jylǵa deıingi damýdyń Ulttyq jospary jáne memlekettik josparlaýdyń jańa júıesi qabyldandy. Aıqyndalǵan mindetterdi júzege asyrý boıynsha jumystar bastalyp ketti.
Murat Áıtenov, Shymkent qalasynyń ákimi: «Bıznestiń jol kartasy boıynsha byltyrǵymen salystyrǵanda bıyl qarjylandyrý artyp, 4,8 mlrd. qurady. 7 aıda 970 joba qarjylandyryldy.Nátıjesinde jańa jumys oryndary ashyldy».
Joldaýdaǵy eńbek naryǵynda tıimdi ekojúıe qalyptasyrý baǵytynda Úkimettiń kóshi-qon saıasatynyń jańa tujyrymdamasyn ázirleý jónindegi tapsyrmany qoldaǵan aǵa býyn ókilderi, el ishindegi eńbek kúshiniń utqyrlyǵy máselesine qatysty oılaryn da jetkizdi.
Joldaýdaǵy áleýmettik mańyzy bar taýarlardyń baǵasyn turaqtandyrý baǵytynda shaharda jumys ary qaraı jalǵasyp, bul maqsatty júzege asyrýǵa qomaqty qarjy bólinetin boldy.
Jelgilikti kásipkerler, Otandyq taýarlardyń qataryn tolyqtyrý baǵytynda orta jáne shaǵyn bıznes ókilderine qoldaý kórsetiletini bizdi yntalandyrady deıdi.
Tóreaıym Sultanova, kásipker, qalalyq máslıhat depýtaty: «Úkimet tarapynan qoldaý bizdiń jumysymyzǵa serpin beredi. Ekinshi jaǵynan prezıdent parlamentke árbir zań jobasynyń qyr syryna tereń úńilip ony sapaly daıyndaý tapsyryldy. Bizde máslıhat depýtattary qalamyzdyń ekonomıkalyq damýyna úlesin qosyp keledi dep aıta alamyn».
Shahar basshysy, prezıdent joldaýynda aıtylǵan jumystardy júzege asyrý boıynsha árbir basqarmaǵa jeke tapsyrma berdi.
Murat Áıtenov, Shymkent qalasynyń ákimi: «Orynbasarym Erǵalı Bilisbekovke, qarjy basqarmasy, ekonomıka jáne bıýdjettik josparlaý basqarmasy basshylaryna bıýdjettiń oryndalýyn qarjynyń tıimdi jumsalýyn qatań baqylaýdy tapsyramyn».
Zııaly qaýym, memlekettik qyzmetkerler, qoǵam belsendileri, depýtattardan jasaqtalǵan nasıhattyq top sheshýshi kezeńge qadam basqan memleketimizdi damytýdyń bas jospar, baǵyt baǵdaryn halyqqa túsindiredi.
"Adyrna" ulttyq portaly
