سارىاعاش اۋدانىنا 70-جىلدارى جۇمىس بابىمەن كوشىپ كەلىپ، ماڭگىلىككە تۇراقتاعان نازيا دراكينانى داربازا اۋىلدىق وكرۋگىندە تانىمايتىن جان جوق.
ساناۋلى عۇمىرىنىڭ 30 جىلدان استام ۋاقىتىن جاڭا ءومىر سىيلاۋعا ارناعان نينا اپاي، ءدال وسى وڭىردەگى 1000-عا جۋىق بالانىڭ كىندىك شەشەسى اتانعان.
كورشىلەرىمەن دە ەشقاشان سوزگە كەلىپ كورمەگەن نازيا گايدارقىزىنىڭ بۇگىنگى تىنىس-تىرشىلىگى ۇلگى تۇتارلىق.
بۇل، سارىاعاش اۋدانىنداعى داربازا اۋىلدىق وكرۋگىنىڭ ماقتانىشى – نازيا دراكينا. 30 جىلداي اكۋشەر بولىپ قىزمەت ەتىپ، 1000 عا جۋىق بالانىڭ كىندىك اناسى اتانعان ول، جۇمىس بابىمەن اۋىلدىق جەرگە قالاي كەلگەنىن كۇلىپ ەسىنە الىپ وتىرادى.
اتا-اناسى بايدىبەك اۋدانىنا رەسەيدەن كوشىپ كەلگەن. شىمكەنت قالاسىنداعى مەدۋچيلەششەنى اكۋشەر-فەلدشەر ماماندىعى بويىنشا تامامداعان ءنازيا گايدارقىزى، وقۋ بىتىرگەننەن سوڭ جولدامامەن داربازا اۋىلىنا كەلەدى.
ايتا كەتەيىك، ۇلتى ورىس بولسا دا قازاقشاعا سۋداي ءنازيا دراكينانى جەرگىلىكتى حالىق ۇلكەن قۇرمەتپەن «نينا اپاي» دەپ اتايدى. 30 جىل ابىرويمەن ادال ەڭبەك ەتكەن اكۋشەردىڭ، ءومىر جولداسىمەن تانىسۋىنىڭ ءوزى ءبىر قىزىق.
3 ۇل ءوسىرىپ، ولاردى قازاقى تاربيەمەن سۋسىنداتىپ وتىرعان نازيا گايدارقىزى داربازا اۋىلىنا قاراستى ەمحانادا 30 جىلداي اكۋشەر بولىپ قىزمەت ەتكەن. وسى جىلدار ارالىعىندا 1000-عا جۋىق بالانىڭ امان-ەسەن ومىرگە كەلۋىنە ۇلەس قوسىپ، قانشاما قازاقتىڭ قارا دومالاعىنا كىندىك شەشە اتانعان ونى اۋىل تۇرعىندارى ەرەكشە جاقسى كورەدى.
جۇبايىمەن 43 جىل وتاسىپ، ومىرگە اكەلگەن ءۇش پەرزەنتىنە قازاقي ءتالىم تاربيە بەرگەن «سارىاعاشتىق نينا»، ءوزىنىڭ تاريحي وتانىن ءبىر رەت بارىپ كورىپتى. جولداسى ومىردەن وتكەننەن سوڭ اۋىلداستارىنىڭ قامقورلىعىن ەرەكشە سەزىنگەن ول، «مەن، ءار قازاقتىڭ بويىنداعى ءبىر-بىرىنە دەگەن سۇيىسپەنشىلىكتى، مەيىرىمدى جاقسى كورەمىن» – دەيدى.
ماليكا قانجاربەكقىزى
