Saryaǵash aýdanyna 70-jyldary jumys babymen kóship kelip, máńgilikke turaqtaǵan Nazııa Drakınany Darbaza aýyldyq okrýginde tanymaıtyn jan joq.
Sanaýly ǵumyrynyń 30 jyldan astam ýaqytyn jańa ómir syılaýǵa arnaǵan Nına apaı, dál osy óńirdegi 1000-ǵa jýyq balanyń kindik sheshesi atanǵan.
Kórshilerimen de eshqashan sózge kelip kórmegen Nazııa Gaıdarqyzynyń búgingi tynys-tirshiligi úlgi tutarlyq.
Bul, Saryaǵash aýdanyndaǵy Darbaza aýyldyq okrýginiń maqtanyshy – Nazııa Drakına. 30 jyldaı akýsher bolyp qyzmet etip, 1000 ǵa jýyq balanyń kindik anasy atanǵan ol, jumys babymen aýyldyq jerge qalaı kelgenin kúlip esine alyp otyrady.
Ata-anasy Báıdibek aýdanyna Reseıden kóship kelgen. Shymkent qalasyndaǵy medýchıleeni akýsher-feldsher mamandyǵy boıynsha támamdaǵan Názııa Gaıdarqyzy, oqý bitirgennen soń joldamamen Darbaza aýylyna keledi.
Aıta keteıik, ulty orys bolsa da qazaqshaǵa sýdaı Názııa Drakınany jergilikti halyq úlken qurmetpen «Nına apaı» dep ataıdy. 30 jyl abyroımen adal eńbek etken akýsherdiń, ómir joldasymen tanysýynyń ózi bir qyzyq.
3 ul ósirip, olardy qazaqy tárbıemen sýsyndatyp otyrǵan Nazııa Gaıdarqyzy Darbaza aýylyna qarasty emhanada 30 jyldaı akýsher bolyp qyzmet etken. Osy jyldar aralyǵynda 1000-ǵa jýyq balanyń aman-esen ómirge kelýine úles qosyp, qanshama qazaqtyń qara domalaǵyna kindik sheshe atanǵan ony aýyl turǵyndary erekshe jaqsy kóredi.
Jubaıymen 43 jyl otasyp, ómirge ákelgen úsh perzentine qazaqı tálim tárbıe bergen «Saryaǵashtyq Nına», óziniń tarıhı otanyn bir ret baryp kóripti. Joldasy ómirden ótkennen soń aýyldastarynyń qamqorlyǵyn erekshe sezingen ol, «men, ár qazaqtyń boıyndaǵy bir-birine degen súıispenshilikti, meıirimdi jaqsy kóremin» – deıdi.
Malıka Qanjarbekqyzy
