ليۆيانىڭ بيلىكتەن قۋىلعان كوشباسشىسى مۋاممار كاددافيدىڭ ەكىنشى ۇلى سەيف ءال-يسلام ەلدە جەلتوقسان ايىنىڭ سوڭىندا وتەتىن پرەزيدەنتتىك سايلاۋعا ءوز كانديداتۋراسىن تىركەدى، دەپ حابارلايدى "ادىرنا" ۇلتتىق پورتالى.
49 جاستاعى سەيف ءال-يسلام كەزىندە كاددافيدىڭ رەسمي قىزمەتكە تۇرۋ تۋرالى ۇسىنىسىن كوپشىلىك الدىندا قابىلدامادى، بىراق ول ءىس جۇزىندە پرەمەر-مينيستر قىزمەتىن اتقاردى.
كاددافي رەجيمى قۇلاتىلعانعا دەيىن ول ونىڭ مۇراگەرى بولىپ سانالدى. سەيف ءال-يسلام كاددافي 2011 جىلى اكەسىنە قارسى كوتەرىلىستى اياۋسىز باسۋعا تىكەلەي قاتىسقان. گااگاداعى حالىقارالىق تريبۋنالدا ونى ادامزاتقا قارسى قىلمىستار: كىسى ءولتىرۋ جانە قۋدالاۋ دەگەن ەكى ايىپ بويىنشا قاماۋعا الۋ وردەرى ءالى دە بار.
ايتا كەتەيىك، تامىز ايىندا بۇۇ قولداعان تريپولي ۇكىمەتىنىڭ وكىلى ليۆيا پروكۋرورى موحاممەد گارۋدا "ۆاگنەر"جەكە اسكەري كومپانياسىنىڭ رەسەيلىك جالدامالىلارىنا قاتىستى ايىپپەن قاماۋعا الۋعا وردەر بەردى. مۇنىڭ الدىندا 2019 جىلى بۇل جالدامالىلاردىڭ ليۆياداعى اسكەري قىلمىستارعا قاتىسۋى تۋرالى BBC ارنايى جۋرناليستىك زەرتتەۋ جۇرگىزگەن بولاتىن.
"ادىرنا" ۇلتتىق پورتالى
