Lıvııanyń bılikten qýylǵan kóshbasshysy Mýammar Kaddafıdiń ekinshi uly Seıf ál-Islam elde jeltoqsan aıynyń sońynda ótetin prezıdenttik saılaýǵa óz kandıdatýrasyn tirkedi, dep habarlaıdy "Adyrna" ulttyq portaly.
49 jastaǵy Seıf ál-Islam kezinde Kaddafıdiń resmı qyzmetke turý týraly usynysyn kópshilik aldynda qabyldamady, biraq ol is júzinde premer-mınıstr qyzmetin atqardy.
Kaddafı rejımi qulatylǵanǵa deıin ol onyń murageri bolyp sanaldy. Seıf ál-Islam Kaddafı 2011 jyly ákesine qarsy kóterilisti aıaýsyz basýǵa tikeleı qatysqan. Gaagadaǵy halyqaralyq trıbýnalda ony adamzatqa qarsy qylmystar: kisi óltirý jáne qýdalaý degen eki aıyp boıynsha qamaýǵa alý orderi áli de bar.
Aıta keteıik, tamyz aıynda BUU qoldaǵan Trıpolı Úkimetiniń ókili Lıvııa prokýrory Mohammed Garýda "Vagner"jeke áskerı kompanııasynyń reseılik jaldamalylaryna qatysty aıyppen qamaýǵa alýǵa order berdi. Munyń aldynda 2019 jyly bul jaldamalylardyń Lıvııadaǵy áskerı qylmystarǵa qatysýy týraly BBC arnaıy jýrnalıstik zertteý júrgizgen bolatyn.
"Adyrna" ulttyq portaly
