تاۋەلسىزدىگىمىزدىڭ 30 جىلدىعى قارساڭىندا، قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى ساز كوللەدجىمەن بىرلەسە «ادال – جاس ۇرپاق» اتتى قالالىق پاتريوتتىق اندەر، ەسسە، اڭگىمە جانە مانەرلەپ وقۋ بايقاۋىن ۇيىمداستىردى.
باستى ماقسات - جاستار اراسىندا سىبايلاس جەمقورلىققا قارسى مادەنيەتتى ىلگەرىلەتۋ، ادەبيەت پەن شىعارماشىلىق ارقىلى پاراساتتىلىق يدەولوگياسىن دارىپتەۋ بولىپ تابىلادى.
بايقاۋعا جوعارى جانە ورتا ارناۋلى وقۋ ورىندارى مەن مەكتەپتەردەن 70-كە جۋىق ستۋدەنتتەر مەن وقۋشىلار قاتىستى.
قازىلار القاسى رەتىندە دەپارتامەنت وكىلدەرى مەن مادەنيەت سالاسىنىڭ ۇزدىكتەرى، فيلولوگ ماماندار تارتىلدى.
ۇيىمداستىرۋشىلاردىڭ ايتۋىنشا وسىنداي ءىس-شارالار جاستاردا سىبايلاس جەمقورلىققا قارسى مىنەز-قۇلىق داعدىلارىن قالىپتاستىرادى.
شارا بارىسىندا قاتىسۋشىلار ونەرىن ورتاعا سالىپ،اسەرلى اڭگىمە، قارا ءسوز وقىپ، وتاندى سۇيۋگە، ەلىمىزدىڭ پاتريوتى بولۋعا زامانداستارىن ۇندەدى.
ويىنىڭ ۇشقىرىلىعى جانە جۇمىسىنىڭ مازمۇندىلىعىمەن «سىبايلاس جەمقورلىققا قارسى تاقىرىپتاعى ۇزدىك ەسسە، اڭگىمە» نوميناتسياسى بويىنشا ءىىى-ورىندى م.اۋەزوۆ اتىنداعى وقۋ ستۋدەنتى ا.ساميدين، ءىى-ورىندى يندۋستريالدى-تەحنيكالىق كوللەدجىنەن د.احاتبەك، ءى-ورىندى قالالىق «ادال ۇرپاق» اسسوتسياتسياسىنان ا.جۋاسبەك يەلەندى.
«مانەرلەپ وقۋ» نوميناتسياسى بويىنشا ءىىى-ورىندى ميراس ۋنيۆەرسيتەتىنىڭ ستۋدەنتى ر.مامىر، ءىى-ورىندى يندۋستريالدى-تەحنيكالىق كوللەدجىنەن ا.راحماتۋللا، ءى-ورىندى جول-كولىك كوللەدجىنەن س.ماحامبەت-پاحير جەڭىپ الدى.
«پاتريوتتىق اندەر» نوميناتسياسى بويىنشا ءىىى-ورىندى تاماقتاندىرۋ يندۋسترياسى جانە سەرۆيس كوللەدجىنىڭ ستۋدەنتى م.كەلدىباي، ءىى-ورىندى م. اۋەزوۆ اتىنداعى وقۋ ستۋدەنتى س.جاقىپ، ءى-ورىندى شىمكەنت ساز كوللەدجىنىڭ ستۋدەنتى پ.كيم يەلەندى.
«جەڭىسكە جەتكەنىمە وتە قۋانىشتىمىن. ۇيىمداستىرۋشىلار مەن ۇستازدارىما، قولداپ كەلگەن دوستارىما العىسىمدى بىلدىرەمىن» - دەيدى پاۆەل كيم. شىمكەنت ساز كوللەدجىنىڭ ستۋدەنتى بايقاۋدىڭ بارلىق قاتىسۋشىلارى تالانتتى، ءوز ەلىنىڭ ناعىز پاتريوت جاستارى ەكەندىگىن جاسىرمادى. سونداي-اق، ول پاراسىز، پاراساتتى، سانالى قوعامدا ءومىر ءسۇرۋدى قالايتىندىعىن جانە ءوزى دە بۇل باعىتتا بەلسەندىلىك تانىتاتىندىعىن جەتكىزدى.
جول-كولىك كوللەدجىنىڭ ستۋدەنتى ساكەن ماحامبەت-پاحير اتالعان بايقاۋدان ۇلكەن تاجىربيە العاندىعىن ايتادى. «بايقاۋ تالاپتارى بويىنشا كوپتەگەن اقپاراتپەن تانىستىم، جالپى قوعامداعى ادالدىق پرينتسيپتەرى، جەمقورلىققا توزبەۋشىلىك، ادامي قاسيەتتەردى جوعالتپاۋ ءۇشىن جاستارعا ۇلكەن جاۋاپكەرشىلىكتىڭ تۇسكەنىن ۇعىندىم» - دەدى ول.
بارلىق جەڭىمپازدار ارنايى العىس حاتتارمەن جانە سىيلىقتارمەن ماراپاتتالدى.
