Táýelsizdigimizdiń 30 jyldyǵy qarsańynda, Qazaqstan Respýblıkasynyń Sybaılas jemqorlyqqa qarsy is-qımyl Agenttiginiń Shymkent qalasy boıynsha departamenti Saz kolledjimen birlese «Adal – jas urpaq» atty qalalyq patrıottyq ánder, esse, áńgime jáne mánerlep oqý baıqaýyn uıymdastyrdy.
Basty maqsat - jastar arasynda sybaılas jemqorlyqqa qarsy mádenıetti ilgeriletý, ádebıet pen shyǵarmashylyq arqyly parasattylyq ıdeologııasyn dáripteý bolyp tabylady.
Baıqaýǵa joǵary jáne orta arnaýly oqý oryndary men mektepterden 70-ke jýyq stýdentter men oqýshylar qatysty.
Qazylar alqasy retinde Departament ókilderi men mádenıet salasynyń úzdikteri, fılolog mamandar tartyldy.
Uıymdastyrýshylardyń aıtýynsha osyndaı is-sharalar jastarda sybaılas jemqorlyqqa qarsy minez-qulyq daǵdylaryn qalyptastyrady.
Shara barysynda qatysýshylar ónerin ortaǵa salyp,áserli áńgime, qara sóz oqyp, otandy súıýge, elimizdiń patrıoty bolýǵa zamandastaryn úndedi.
Oıynyń ushqyrylyǵy jáne jumysynyń mazmundylyǵymen «Sybaılas jemqorlyqqa qarsy taqyryptaǵy úzdik esse, áńgime» nomınaııasy boıynsha III-oryndy M.Áýezov atyndaǵy OQÝ stýdenti A.Samıdın, II-oryndy ındýstrıaldy-tehnıkalyq kolledjinen D.Ahatbek, I-oryndy qalalyq «Adal urpaq» assoıaııasynan A.Jýasbek ıelendi.
«Mánerlep oqý» nomınaııasy boıynsha III-oryndy Mıras ýnıversıtetiniń stýdenti R.Mamyr, II-oryndy ındýstrıaldy-tehnıkalyq kolledjinen A.Rahmatýlla, I-oryndy jol-kólik kolledjinen S.Mahambet-Pahır jeńip aldy.
«Patrıottyq ánder» nomınaııasy boıynsha III-oryndy Tamaqtandyrý ındýstrııasy jáne servıs kolledjiniń stýdenti M.Keldibaı, II-oryndy M. Áýezov atyndaǵy OQÝ stýdenti S.Jaqyp, I-oryndy Shymkent saz kolledjiniń stýdenti P.Kım ıelendi.
«Jeńiske jetkenime óte qýanyshtymyn. Uıymdastyrýshylar men ustazdaryma, qoldap kelgen dostaryma alǵysymdy bildiremin» - deıdi Pavel Kım. Shymkent saz kolledjiniń stýdenti baıqaýdyń barlyq qatysýshylary talantty, óz eliniń naǵyz patrıot jastary ekendigin jasyrmady. Sondaı-aq, ol parasyz, parasatty, sanaly qoǵamda ómir súrýdi qalaıtyndyǵyn jáne ózi de bul baǵytta belsendilik tanytatyndyǵyn jetkizdi.
Jol-kólik kolledjiniń stýdenti Sáken Mahambet-Pahır atalǵan baıqaýdan úlken tájirbıe alǵandyǵyn aıtady. «Baıqaý talaptary boıynsha kóptegen aqparatpen tanystym, jalpy qoǵamdaǵy adaldyq prınıpteri, jemqorlyqqa tózbeýshilik, adamı qasıetterdi joǵaltpaý úshin jastarǵa úlken jaýapkershiliktiń túskenin uǵyndym» - dedi ol.
Barlyq jeńimpazdar arnaıy alǵys hattarmen jáne syılyqtarmen marapattaldy.
