قازاقستاندىق كاسىپكەرلەر Business WIRE Forum ونلاين-فورۋمىندا يننوۆاتسيالىق جانە الەۋمەتتىك-ماڭىزدى جوبالاردى ۇسىندى، دەپ حابارلايدى “ادىرنا” ۇلتتىق پورتالى.
فورۋم ۇيىمداستىرۋشىلارى:
ەۋروپالىق قايتا قۇرۋ جانە دامۋ بانكى مەن شەلل قازاقستان كومپانياسى باتىس قازاقستان وبلىسى اكىمدىگىنىڭ قولداۋىمەن Shell LiveWIRE كاسىبىن جاڭا باستاعان كاسىپكەرلەرگە ارنالعان باعدارلاما اياسىندا ءسوز سويلەدى.
فورۋم بارىسىندا Shell LiveWIRE - Business Bilim كاسىپكەرلەرگە ارنالعان وقىتۋ باعدارلاماسىنىڭ ناتيجەلەرى ايتىلدى:
باتىس قازاقستان مەن نۇر-سۇلتان قالاسىندا 42 بيزنەس-جوبا ىسكە قوسىلدى. باعدارلاما بارىسىندا زاماناۋي قازاقستاندىقتار دامۋ ءۇشىن تاڭدايتىن: ءبىلىم، ونەر جانە سپورت; كيىم جانە توقىما ءوندىرىسى جانە ساتۋ; تەحنيكالىق جانە اۆتوموبيل قىزمەتتەرى سالاسىنداعى 3 تانىمال بيزنەس-باعىت انىقتالدى.
«شەلل قازاقستان» كاسىپكەرلىكتى 2013 جىلدان بەرى ەقدب-مەن بىرلەسىپ قولداپ كەلەدى، ال Shell LiveWIRE برەندىمەن ءبىز قازاقستان رەسپۋبليكاسىنىڭ اۋماعىندا - ەلىمىزدىڭ باتىس وڭىرلەرىندە جانە نۇر-سۇلتان قالاسىندا 2018 جىلدان باستاپ جۇمىس ىستەيمىز.
2013 جىلدان باستاپ وسى جوبانىڭ اياسىندا ءبىز شامامەن 1,5 ميلليون ەۆرونى ينۆەستيتسيالادىق. باعدارلامانى ىسكە اسىرۋ جىلدارىندا 1700 بەنەفيتسيار قامتىلدى، 600 جۇمىس ورنى قۇرىلدى، 45 جاڭا بيزنەس اشىلدى. Shell LiveWIRE باعدارلاماسىنىڭ بىرەگەيلىگى - بۇل ۇزاق مەرزىمدى اسەر، ياعني بىزگە ءبىر ەلەمەنتكە تۇسەتىن قاتىسۋشىلار ۋاقىت وتە كەلە قىزىعۋشىلىق تانىتىپ، قوسىمشا ترەنينگتەردەن ءوتۋ ءۇشىن باسقاسىنا اۋىسادى. ال كەيبىرەۋلەرى ءتىپتى ءبىزدىڭ كونسالتينگتىك قىزمەتتەرگە بارادى", - دەيدى شەلل قازاقستان كورپوراتيۆتىك بايلانىستار جونىندەگى ديرەكتورى ايگۋل بارمەنكۋلوۆا.
ەقدب ورتالىق ازيا مەن موڭعولياداعى شوب قارجىلاندىرۋ جانە دامۋ دەپارتامەنتىنىڭ باسشىسى حولگەر ۆەفەل قازاقستان وڭىرلەرىندەگى كاسىپكەرلەردى قولداۋ بويىنشا باستامالاردىڭ ناتيجەلەرىن اتاپ ءوتتى
«وڭىرلەردەگى ىسكەرلىك بەلسەندىلىك، اتاپ ايتقاندا، باتىس قازاقستاندا ايقىن ءوسىپ كەلەدى. مۇنى ءتىپتى Business Bilim قاتىسۋشىلارى سانىنىڭ وسۋىنەن دە كورۋگە بولادى. ءبىز 40 قاتىسۋشىدان جانە 20 فيناليستەن باستاعانبىز، ال قازىر ءبىزدىڭ 100-دەن استام قاتىسۋشىمىز جانە 50-گە جۋىق ءفيناليسىمىز بار. ءبىز ءوز تاراپىمىزدان شوب قولداۋ باعدارلاماسى بويىنشا ۇسىناتىن ونىمدەردى جىل سايىن كەڭەيتىپ، جەتىلدىرىپ وتىرامىز. وڭىرلەردى ىسكە قوسۋ ءۇشىن باعدارلامالار جاسايمىز، وندا باستاۋشى جانە ونشا ءىرى ەمەس بيزنەس ءارتۇرلى سالالارعا ماماندانادى. مىسالى، وسى جىلى 1000-عا جۋىق كاسىپكەر ايەل ميكروبيزنەستەگى ايەلدەرگە ارنالعان وقۋدان ءوتتى. ماڭىزدىسى، Business Bilim وقىتۋداعى سياقتى بۇل وقىتۋ قازاق تىلىندە قولجەتىمدى بولدى، بۇل وڭىرلەردى تارتۋ ءۇشىن قاجەت».
Business Wire Forum فورۋمىنىڭ باستى تاقىرىبى – يدەيادان يننوۆاتسيانى ىسكە اسىرۋعا دەيىن. سپيكەرلەر جوبالارىنىڭ اراسىندا نۇر-سۇلتان قالاسىنداعى پسيحونەۆرولوگيالىق اۋرۋلارى بار ادامدار جۇمىس ىستەيتىن Kunde الەۋمەتتىك كافەسىن اتاپ وتۋگە بولادى.
كافەنىڭ نەگىزىن قالاۋشى ماۋلەن احمەتوۆ الەمنىڭ 15 ەلىنەن كەلگەن 136 قاتىسۋشىنىڭ اراسىندا شەلل «Top Ten Innovators» جاھاندىق كونكۋرسىندا «جەرگىلىكتى دەڭگەيدەگى ءال-اۋقات» ساناتى بويىنشا ەكىنشى ورىن الىپ، جۇلدەگەر اتاندى. ورال بيزنەسمەنى بەكەجان كايرگاليەۆ نۇر-سۇلتان قالاسىندا ىسكە قوسۋ جوسپارلانعان ورگانيكالىق قالدىقتاردى قايتا وڭدەۋ زاۋىتىنىڭ جوباسىن ۇسىندى. بەكەجان Business Bilim ءبىلىم بەرۋ باعدارلاماسىنىڭ بيزنەس-جوباسى قىزمەتىنىڭ ناتيجەلەرى بويىنشا توپ-4 قاتىسۋشىنىڭ قاتارىنا كىردى.
فورۋمنىڭ حەدلاينەرلەرى Arbuz.kz ونلاين-سۋپەرماركەتىنىڭ نەگىزىن قالاۋشى جانە باس ديرەكتورى الەكسەي لي جانە قازاقستانداعى Glovo باس مەنەدجەرى كاريم بوگۋسپاەۆ بولدى.
الەكسەي لي فورۋم قاتىسۋشىلارىمەن الماتى مەن نۇر-سۇلتان قالالارىندا ورنالاسقان ءىرى ونلاين-سۋپەرماركەتتىڭ اقش نارىعىنا ەكسپانسياسىنىڭ جوسپارلارىمەن ءبولىستى.
«E-grocery نارىعى سوڭعى ءبىر-ەكى جىل ىشىندە بۇكىل الەمدە، سونىڭ ىشىندە قازاقستاندا ناعىز سەرپىلىستى باستان كەشۋدە جانە بۇل تەك پاندەميامەن عانا بايلانىستى ەمەس. پاندەميا نارىقتىڭ ەڭ ءىرى تۇتىنۋ سەكتورلارىنىڭ ءبىرىنىڭ وزگەرۋ پروتسەسىن عانا تەزدەتتى. ەڭ قىزىقتىسى ەندى باستالادى. 5-7 جىلدان كەيىن ازىق-تۇلىك پەن ءبىرىنشى قاجەتتىلىكتەگى تاۋارلاردى ساتىپ الۋدىڭ كوپشىلىككە ۇيرەنشىكتى تاسىلدەرى تانىماستاي وزگەرەدى. ءبىز الەمنىڭ – اقش-تىڭ ەڭ ۇلكەن جانە باسەكەگە قابىلەتتى نارىعىنداعى ءوز ۇلەسىمىز ءۇشىن كۇرەسكىمىز كەلەدى. بۇل ۇلكەن مۇمكىندىك، بۇل باعا جەتپەس ساراپتاما جانە تاجىريبە جانە ءبىز قازاقستاننىڭ ۇلتتىق كومانداسىنىڭ وسى جارىستا بارلىق مۇمكىندىكتەرى بار دەپ ەسەپتەيمىز!»، - دەپ ءتۇسىندىردى Arbuz.kz ونلاين-سۋپەرماركەتىنىڭ وپەراتسيالىق ديرەكتورى رۋسلان پوگورەلوۆ ءباسپاسوز كونفەرەنتسياسى اياسىندا.
كاريم بوگۋسپاەۆ حالىقتىڭ ىسكەرلىك بەلسەندىلىگىنىڭ قارقىندى دامىپ كەلە جاتقان باعىتى – اقپاراتتىق-كوممۋنيكاتسيالىق تەحنولوگيالاردىڭ دامۋىنان كەيىن پايدا بولعان گيگ-ەكونوميكا نەمەسە ەركىن تابىس ەكونوميكاسى ماسەلەلەرىن اتاپ ءوتتى:
«مەنىڭ ويىمشا، گيگ-ەكونوميكا نارىعى ودان ءارى دامي بەرەدى. بيزنەستىڭ سانى مەن كولەمىنىڭ وسۋىنەن سۇرانىس تا وسەدى. مىسالى، Gallup مالىمەتى بويىنشا اقش-تاعى جۇمىس كۇشىنىڭ شامامەن 36%-ءى گيگ-ەكونوميكاعا قاتىسۋشىلار بولىپ تابىلادى. بۇكىل الەمدەگى باسقا ەلدەردى دە وسىعان ۇقساس ءۇردىس كۇتىپ تۇر دەپ ويلايمىن. قازىرگى ۋاقىتتا ءبىزدىڭ پلاتفورمادا 5000-نان استام كۋرەرلەر تىركەلگەن. ولاردىڭ بارلىعى تاۋەلسىز كونتراگەنت نەگىزىندە Glovo-مەن سەرىكتەستىك قارىم-قاتىناستىققا كىرەدى. كۋرەرلەردىڭ شامامەن 40%-ءى ايماقتاردا. Glovo سياقتى پلاتفورمالاردىڭ ارقاسىندا حالىقتىڭ ىسكەرلىك بەلسەندىلىگى ارتىپ كەلەدى دەپ ويلايمىن. قازىرگى كەزدە كۋرەرلەردىڭ تابىسى 246 000 تەڭگەدەن 334 000 تەڭگەگە دەيىن».
Business Wire Forum قازاقستاننىڭ تۇكپىر-تۇكپىرىنەن كاسىپتەرىن جاڭا باستاعان كاسىپكەرلەردى جينادى. فورۋم Business Bilim كاسىپكەرلەرىن قولداۋ بويىنشا ءبىلىم بەرۋ جوباسىنىڭ قورىتىندى وقيعاسى بولدى. جوبا جاڭا ماۋسىمدا جۇمىسىن جالعاستىرادى.
«شەلل» - شتاب-پاتەرى نيدەرلاندىنىڭ گااگا قالاسىندا ورنالاسقان ەنەرگەتيكالىق جانە مۇناي-حيميا كومپانيالارىن بىرىكتىرەتىن حالىقارالىق كونتسەرن.
قازىرگى ۋاقىتتا «شەلل» قازاقستان ەكونوميكاسىنا ءىرى شەتەلدىك ينۆەستورلاردىڭ ءبىرى بولىپ تابىلادى.
«شەلل» كونتسەرنى ءۇش جوباعا قاتىسادى. بۇل سولتۇستىك كاسپي بويىنشا ءونىمدى ءبولۋ تۋرالى كەلىسىم (وبك) (قاتىسۋ ۇلەسى 16.81%), قاراشىعاناق كەن ورنىنىڭ ءونىمىن ءبولۋ تۋرالى تۇپكىلىكتى كەلىسىم (قاتىسۋ ۇلەسى – 29.25%) جانە كاسپي قۇبىر كونسورتسيۋمى (قاتىسۋ ۇلەسى – 7.4%).
ShellLiveWIRE جاھاندىق باعدارلاماسى شوب جاس كاسىپكەرلەرىنە وڭىرلەردىڭ ەكونوميكالىق دامۋىن ىنتالاندىرا وتىرىپ، ءوز جەكە بيزنەسىن باستاۋعا كومەكتەسەدى.
باعدارلاما قازىرگى ۋاقىتتا الەمنىڭ 18 ەلىندە جۇمىس ىستەيدى. 1982 جىلدان باستاپ باعدارلاما 9,2 ميلليوننان استام جاس كاسىپكەرلەرگە قولداۋ كورسەتتى.
2018 جىلدان باستاپ باعدارلاما جەرگىلىكتى كاسىپورىندارعا قوسىمشا مۇمكىندىكتەر ۇسىنا وتىرىپ، قر اۋماعىندا جۇمىسىن باستادى.
”ادىرنا” ۇلتتىق پورتالى
