«قر كەيبىر زاڭنامالىق اكتىلەرگە اقپاراتقا قول جەتكىزۋ جانە قوعامدىق قاتىسۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ازىرلەۋ جونىندەگى جۇمىس توبىنىڭ ءۇشىنشى وتىرىسى ءوتتى.
وتىرىس اياسىندا جۇمىس توبىنىڭ مۇشەلەرى مىنا ماسەلەلەردى تالقىلادى.
• قورشاعان ورتانى قورعاۋ سالاسىنداعى ۋاكىلەتتى ورگاننىڭ جانە جەرگىلىكتى اتقارۋشى ورگانداردىڭ ينتەرنەت-رەسۋرستارىنداعى ەسەپتەردىڭ جوبالارىنا، سونداي-اق، مەملەكەتتىك ەكولوگيالىق ساراپتامانىڭ قورىتىندىلارىنا (ۋاقىت بويىنشا) ەشقانداي شەكتەۋسىز قولجەتىمدىلىك جاساۋ (قازىر قۇجاتتار 30 كۇنگە جاريالانادى);
• قوعامدىق تىڭداۋلاردى وتىرىستار نەگىزىندە عانا ەمەس، ينتەرنەت-كونفەرەنتسيالار تۇرىندە دە وتكىزۋ;
• قۇرامىندا پوليحلورديفەنيل بار جابدىقتاردى ەسەپكە الۋ ءتىزىلىمىن اشىق قولجەتىمدىلىكتە جاريالاۋ;
• جەرگىلىكتى اتقارۋشى ورگاندارعا سۋدى پايدالانۋ جونىندەگى اقپاراتتى تۇراقتى تۇردە ورنالاستىرىپ تۇرۋدى مىندەتتەۋ.
سونىمەن قاتار، زاڭنىڭ جاڭا تارماعىنا قاتىستى دا تالقى بولدى. مۇگەدەكتىگى بار ادامداردىڭ وكىلدەرى مەملەكەتتىك تىلدە سويلەۋ سينتەزى مەن اۋديودەسكريپتسيانى ەنگىزۋدى ۇسىندى.
ەستەرىڭىزگە سالا كەتەيىك، قازاقستان ورحۋس كونۆەنتسياسىنا جانە بۇۇ مۇگەدەكتەردىڭ قۇقىقتارى تۋرالى كونۆەنتسياعا قاتىسۋشى ەل.
زاڭ جوباسى ازاماتتىق سەكتور جانە ساراپشىلار قاۋىمداستىعىنىڭ مۇددەلى وكىلدەرىمەن تىعىز تالقىلانىپ جاتىر.
"ادىرنا" ۇلتتىق پورتالى
