شىمكەنتتىك سپورتشىلار الەم چەمپيوناتتارىنان جۇلدەلى ورالدى

2886
Adyrna.kz Telegram

2021 جىلدىڭ 9 ايىندا قالا سپورتشىلارى قر چەمپيوناتتارى مەن بىرىنشىلىكتەرىنە قاتىسىپ، 415 التىن، 327 كۇمىس، 367 قولا مەدال جەڭىپ الدى.

جىل باسىنان بەرى وتكەن ازيا چەمپيوناتتارىندا قالا سپورتشىلارى 33 التىن، 28 كۇمىس جانە 14 قولاعا قول جەتكىزدى. سونىمەن قاتار، الەم چەمپيوناتتارىندا 4 التىن، 8 كۇمىس جانە 5 قولا، الەم كۋبوكتارىنان 9 التىن، 8 كۇمىس جانە 16 قولا مەدالگە يە بولدى.
قالا سپورتشىلارى سوڭعى ناتيجەلەردى قوسپاعاندا، 9 ايدىڭ قورىتىندىسى بويىنشا وسىنداي ناتيجەلەرگە قول جەتكىزدى.

2021 جىلدىڭ 9 ايىندا 13 حالىقارالىق دارەجەدەگى سپورت شەبەرى، 144 قازاقستان رەسپۋبليكاسىنىڭ سپورت شەبەرى، 270 سپورت شەبەرىنە ۇمىتكەر سپورتشىلار دايىندالدى.
ءار ءتورت جىلدا ءبىر رەت وتەتىن قازاقستان رەسپۋبليكاسىنىڭ V جاستار سپورتتىق ويىندارىندا شىمكەنت قالاسىنىڭ قۇراما كومانداسى جالپى كوماندالىق ەسەپتە 1004 ۇپايمەن 2-ءشى ورىنعا يەلىك ەتتى.

قر ۇلتتىق قۇراما كومانداسىنا شىمكەنت قالاسىنان جالپى 885 سپورتشى ەنگەن. ونىڭ ىشىندە، نەگىزگى قۇراماعا – 416 سپورتشى، جاستار قۇراماسىنا – 268 سپورتشى، جاسوسپىرىمدەر قۇراماسىنا – 201 سپورتشى.

توكيو قالاسىندا وتكەن ءحححىى جازعى وليمپيادا ويىندارىنا شىمكەنت قالاسىنىڭ 10 سپورتشىسى قاتىسىپ، ناتيجەسىندە ەكى سپورتشى قولا جۇلدە يەلەندى جانە ءبىر سپورتشى بەسىنشى ورىنعا يە بولدى. سونداي-اق، جازعى پاراليمپيادا ويىندارىندا ءجۇزۋ سپورت تۇرىنەن رومان اگالاكوۆ باق سىنادى.

2022 جىلى اقپاننىڭ 04-20 كۇندەرى قىتايدىڭ بەيجىڭ قالاسىندا ءححىV قىسقى وليمپيادا ويىندارى وتەدى. بۇل ءدۇبىرلى باسەكەگە قاتىسۋعا شىمكەنت قالاسىنان 5 سپورتشى ۇمىتكەرلەر قاتارىندا. اتاپ ايتقاندا، فريستايل-اكروباتيكادان 4 سپورتشى – مارجان اقجىگىت، ايانا جولداس، شەرزود حاشيرباەۆ جانە يلدار بادرۋتدينوۆ دايىندىق جۇرگىزۋدە. ال شورت-ترەكتەن نۇرلىبەك بەيسەەۆ ۇمىتكەرلەردىڭ ءبىرى.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر