2021 jyldyń 9 aıynda qala sportshylary QR chempıonattary men birinshilikterine qatysyp, 415 altyn, 327 kúmis, 367 qola medal jeńip aldy.
Jyl basynan beri ótken Azııa chempıonattarynda qala sportshylary 33 altyn, 28 kúmis jáne 14 qolaǵa qol jetkizdi. Sonymen qatar, álem chempıonattarynda 4 altyn, 8 kúmis jáne 5 qola, álem kýboktarynan 9 altyn, 8 kúmis jáne 16 qola medalge ıe boldy.
Qala sportshylary sońǵy nátıjelerdi qospaǵanda, 9 aıdyń qorytyndysy boıynsha osyndaı nátıjelerge qol jetkizdi.
2021 jyldyń 9 aıynda 13 halyqaralyq dárejedegi sport sheberi, 144 Qazaqstan Respýblıkasynyń sport sheberi, 270 sport sheberine úmitker sportshylar daıyndaldy.
Ár tórt jylda bir ret ótetin Qazaqstan Respýblıkasynyń V Jastar sporttyq oıyndarynda Shymkent qalasynyń qurama komandasy jalpy komandalyq esepte 1004 upaımen 2-shi orynǵa ıelik etti.
QR ulttyq qurama komandasyna Shymkent qalasynan jalpy 885 sportshy engen. Onyń ishinde, negizgi quramaǵa – 416 sportshy, jastar quramasyna – 268 sportshy, jasóspirimder quramasyna – 201 sportshy.
Tokıo qalasynda ótken HHHII Jazǵy Olımpıada Oıyndaryna Shymkent qalasynyń 10 sportshysy qatysyp, nátıjesinde eki sportshy qola júlde ıelendi jáne bir sportshy besinshi orynǵa ıe boldy. Sondaı-aq, Jazǵy Paralımpıada Oıyndarynda júzý sport túrinen Roman Agalakov baq synady.
2022 jyly aqpannyń 04-20 kúnderi Qytaıdyń Beıjiń qalasynda HHIV Qysqy Olımpıada Oıyndary ótedi. Bul dúbirli básekege qatysýǵa Shymkent qalasynan 5 sportshy úmitkerler qatarynda. Atap aıtqanda, frıstaıl-akrobatıkadan 4 sportshy – Marjan Aqjigit, Aıana Joldas, Sherzod Hashırbaev jáne Ildar Badrýtdınov daıyndyq júrgizýde. Al short-trekten Nurlybek Beıseev úmitkerlerdiń biri.
Shymkent qalasy ákimdiginiń baspasóz qyzmeti
