بۇگىن شىمكەنت قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ب.ناربەكوۆا اقپاراتتىق-كوممۋنيكاتسيالىق ورتالىعىندا وتكەن ءباسپاسوز بريفينگىندە مەملەكەت باسشىسىنىڭ حالىققا جولداۋىن ىسكە اسىرۋ باعىتىندا الەۋمەتتىك قورعاۋ ساياساتىنىڭ جۇزەگە اسىرىلۋى مەن حالىقتى جۇمىسپەن قامتۋ باعىتتارىنىڭ اعىمداعى جىلدىڭ 9 ايلىق كورسەتكىشى تۋرالى باياندادى.
باسقارما باسشىسىنىڭ ايتۋىنشا، بيىل «ەڭبەك» مەملەكەتتىك باعدارلاماسىنىڭ شەڭبەرىندە جىل سوڭىنا دەيىن 33 500 ادامدى جۇمىسپەن قامتۋ شارالارىنا قاتىستىرۋ جوسپارلانىپ، ناقتى 9 ايدىڭ كورسەتكىشى بويىنشا 19 347 ادام جۇمىسپەن قامتىلعان.
115 ادام «العاشقى جۇمىس ورىندارى» جوباسى بويىنشا 24 ايعا جولداندى. ال حالىقتى الەۋمەتتىك قورعاۋ باعىتى بويىنشا 2021 جىلدىڭ ءى توقسانىندا 36 969 وتباسىعا، ءىى توقساندا 30 962 وتباسىعا، ءىىى توقساندا 19 333 وتباسىعا مەملەكەتتىك اتاۋلى الەۋمەتتىك كومەك تولەندى.
باسقارماعا قاراستى «شاپاعات» الەۋمەتتىك قىزمەتتەر كورسەتۋ ورتالىعى جانىنان «Ten qogam» الەۋمەتتىك كەڭەس بەرۋ ورتالىعىندا 4224 مۇمكىندىگى شەكتەۋلى ازاماتتارعا ءتۇرلى قىزمەت كورسەتىلدى. ونىڭ ىشىندە 2099 ازامات ساناتوري-كۋرورتتىق ەمدەلۋگە جولداما الۋعا ءوتىنىم بەرگەن بولسا، 1783-ءى جولداماعا يە بولدى. «باستاۋ بيزنەس» جوباسى بويىنشا 1 ازامات كاسىپكەرلىك نەگىزدەرىنە وقىتۋعا جولداندى. ال پسيحولوگتىڭ كومەگىنە جۇگىنگەندەر سانى-20, مىندەتتى گيگيەنالىق قۇرالدار العاندار سانى-225 قۇراپ وتىر.
سونداي-اق، باسقارما بيىل جىل باسىندا ىسكە قوسىلعان الەۋمەتتىك قىزمەتتەر پورتالى ارقىلى مۇمكىندىگى شەكتەۋلى ازاماتتارعا بەرىلەتىن تەحنيكالىق كومەكشى جانە ارناۋلى ءجۇرىپ-تۇرۋ قۇرالدارىمەن قامتاماسىز ەتۋ بويىنشا قىزمەت كورسەتەدى.
باسشىنىڭ ايتۋىنشا 9 ايلىق كورسەتكىشى بويىنشا پروتەزدىك-ورتوپەديالىق كومەككە جانە تەحنيكالىق كومەكشى (ورنىنى تولتىرۋشى) قۇرالدارعا مۇمكىندىگى شەكتەۋلى ازاماتتاردان 5 522 ءوتىنىش قابىلدانىپ، 2 805 قۇرالمەن قامتىلعان. ونىڭ ىشىندە سۋردوتەحنيكالىق، تيفلوتەحنيكالىق، گيگيەنالىق قۇرالدارمەن قاتار، مۇگەدەكتەرگە ارنالعان قول اربالار بەرىلدى. 8 932 ازاماتتان شيپاجاي ورىندارىنا ەمدەلۋ ءۇشىن جولداماعا وتىنىشتەر قابىلدانىپ، ونىڭ 2 689 ازاماتى جولداما الدى.
مۇگەدەكتەرگە ارنايى جابدىقتالعان «ينۆاتاكسي» جانە ۇلى وتان سوعىس ارداگەرلەرى مەن مۇگەدەكتەرىنە، ءجۇرىپ-تۇرۋى قيىن 1-2-ءشى توپتاعى مۇگەدەكتەرگە ەمدەۋ مەكەمەلەرىنە جانە قوعامدىق ورىندارعا اپارۋعا ارنالعان «الەۋمەتتىك تاكسيلەر» دە اۋقىمدى قىزمەت كورسەتتى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
