شىمكەنتتە بۇقارالىق سپورتتى دامىتۋ ماقساتىندا تۇرعىن ءۇي اۋلالارىنداعى سپورت الاڭشالارى پايدالانۋعا بەرىلىپ، تۇرعىنداردىڭ سپورتپەن تەگىن شۇعىلدانۋىنا مۇمكىندىك تۋىپ وتىر.
سونداي الاڭشالاردىڭ ءبىرى اباي اۋدانىندا پايدالانۋعا بەرىلدى. قالا اكىمى مۇرات ايتەنوۆ تۇرعىندار ءۇشىن سالىنعان اشىق سپورت الاڭشاسىنا بارىپ، كورىپ قايتتى. بۇندا سپورتتىڭ ۆولەيبول، باسكەتبول فۋتبول تۇرىمەن جانە ستريت ۆوركاۋتپەن اينالىسۋعا بولادى.
جالپى سوڭعى جىلدارى اباي اۋدانىنداعى 222 اۋلا اباتتاندىرىلىپ، 56 سپورت الاڭشاسى سالىندى. بيىل 21 كوپقاباتتى تۇرعىن ءۇي اۋلالارىن اباتتاندىرۋعا، 12 سپورت الاڭشاسىن اعىمداعى جوندەۋگە، 35 سپورت الاڭشالارىن ورناتۋعا قارجى ءبولىنىپ، قۇرىلىس جۇمىستارى ءجۇرىپ جاتىر. جىل سوڭىنا دەيىن تولىعىمەن پايدالانۋعا بەرىلەدى. دەمەۋشىلەر ەسەبىنەن 4 سپورت الاڭشاسى ورناتىلدى.
قازىرگى تاڭدا سپورت الاڭشالارىندا جاستار مەن بىرگە زەينەتكەرلەر دە ءوز اۋلالارىندا جاتتىعۋ جاساپ، شىنىعۋدى ادەتكە اينالدىرعان. ايتا كەتەيىك، سالاۋاتتى ءومىر سالتىن قالىپتاستىرۋ ماقساتىندا اباي اۋدانىندا الداعى جىلى 50 سپورت الاڭشاسىن سالۋ جوسپارلانىپ وتىر.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
