Abaı aýdanynda sport alańshasy paıdalanýǵa berildi

2701
Adyrna.kz Telegram

Shymkentte buqaralyq sportty damytý maqsatynda turǵyn úı aýlalaryndaǵy sport alańshalary paıdalanýǵa berilip, turǵyndardyń sportpen tegin shuǵyldanýyna múmkindik týyp otyr.

Sondaı alańshalardyń biri Abaı aýdanynda paıdalanýǵa berildi. Qala ákimi Murat Áıtenov turǵyndar úshin salynǵan ashyq sport alańshasyna baryp, kórip qaıtty. Bunda sporttyń voleıbol, basketbol fýtbol túrimen jáne strıt vorkaýtpen aınalysýǵa bolady.

Jalpy sońǵy jyldary Abaı aýdanyndaǵy 222 aýla abattandyrylyp, 56 sport alańshasy salyndy. Bıyl 21 kópqabatty turǵyn úı aýlalaryn abattandyrýǵa, 12 sport alańshasyn aǵymdaǵy jóndeýge, 35 sport alańshalaryn ornatýǵa qarjy bólinip, qurylys jumystary júrip jatyr. Jyl sońyna deıin tolyǵymen paıdalanýǵa beriledi. Demeýshiler esebinen 4 sport alańshasy ornatyldy.

Qazirgi tańda sport alańshalarynda jastar men birge zeınetkerler de óz aýlalarynda jattyǵý jasap, shynyǵýdy ádetke aınaldyrǵan. Aıta keteıik, salaýatty ómir saltyn qalyptastyrý maqsatynda Abaı aýdanynda aldaǵy jyly 50 sport alańshasyn salý josparlanyp otyr.

Shymkent qalasynyń Aqparattyq-kommýnıkaııalyq ortalyǵy

Pikirler