شىمكەنتتە «مۇمكىندىكتەر الاڭى» بوس جۇمىس ورىندارى جارمەڭكەسى وتەدى

1500
Adyrna.kz Telegram

اعىمداعى جىلدىڭ 17 قىركۇيەك كۇنى «اربات» الاڭىندا ساعات 10.00-18.00-گە دەيىن جۇمىسسىز جاستارعا ارنالعان «مۇمكىندىكتەر الاڭى» بوس جۇمىس ورىندارى جارمەڭكەسى وتەدى.

ءىس-شارانىڭ ماقساتى - قالانىڭ جوعارى جانە ورتا ارناۋلى وقۋ ورىندارىنىڭ تۇلەكتەرى، جالپى 29 جاسقا دەيىنگى جۇمىسسىز جۇرگەن جاستاردى ناتيجەلى ءارى تۇراقتى جۇمىسپەن قامتۋ، جۇمىس بەرۋشى مەكەمەلەر قاجەتتى ماماندار تاڭداۋلارىنا، ال جۇمىس ىزدەۋشىلەرگە جۇمىسقا ورنالاسۋلارىنا مۇمكىندىك بەرۋ جانە كەڭەس الۋ.

جارمەڭكەگە 50-گە جۋىق جۇمىس بەرۋشى مەكەمەلەر قاتىسىپ، 9000-عا جۋىق مەديتسينالىق، تەحنيكالىق، پەداگوگيكالىق، جەڭىل ونەركاسىپ جانە قىزمەت كورسەتۋ سالالارى بويىنشا تۇراقتى جانە ۋاقىتشا بوس جۇمىس ورىندارى ۇسىنىلادى.

قالا جاستارىنا «ەڭبەك» مەملەكەتتىك باعدارلاماسىنىڭ شەڭبەرىندە «الەۋمەتتىك جۇمىس ورىندارى»، «جاستار پراكتيكاسى» ، «العاشقى جۇمىس ورنى» باعىتتارى بويىنشا اقىلى جۇمىستارى دا ۇسىنىلادى. جوعارعى وقۋ ورىندارى مەن كوللەدج تۇلەكتەرى ءۇشىن جاستار باعدارلاماسىنان بولەك، ەڭبەك نارىعىندا سۇرانىسقا يە ماماندىقتارعا كاسىبي وقىتۋ كۋرستارى تۋرالى مالىمەت بەرىلەدى. سونداي-اق، ءىس-شارا اياسىندا قىزمەت كورسەتۋ بۇرىشتارى ورناتىلىپ، جۇمىسپەن قامتۋ ورتالىعى ماماندارىنىڭ كەڭەسى (تۇيىندەمە قۇراستىرۋ ۇلگىسى،ەتسق كىلتىن اشۋ جانە enbek.kz پورتالىن پايدالانۋ مۇمكىندىكتەرى جانە ت.ب.) بەرىلەدى.

پىكىرلەر