Aǵymdaǵy jyldyń 17 qyrkúıek kúni «Arbat» alańynda saǵat 10.00-18.00-ge deıin jumyssyz jastarǵa arnalǵan «Múmkindikter alańy» bos jumys oryndary jármeńkesi ótedi.
Is-sharanyń maqsaty - qalanyń joǵary jáne orta arnaýly oqý oryndarynyń túlekteri, jalpy 29 jasqa deıingi jumyssyz júrgen jastardy nátıjeli ári turaqty jumyspen qamtý, jumys berýshi mekemeler qajetti mamandar tańdaýlaryna, al jumys izdeýshilerge jumysqa ornalasýlaryna múmkindik berý jáne keńes alý.
Jármeńkege 50-ge jýyq jumys berýshi mekemeler qatysyp, 9000-ǵa jýyq medıınalyq, tehnıkalyq, pedagogıkalyq, jeńil ónerkásip jáne qyzmet kórsetý salalary boıynsha turaqty jáne ýaqytsha bos jumys oryndary usynylady.
Qala jastaryna «Eńbek» memlekettik baǵdarlamasynyń sheńberinde «Áleýmettik jumys oryndary», «Jastar praktıkasy» , «Alǵashqy jumys orny» baǵyttary boıynsha aqyly jumystary da usynylady. Joǵarǵy oqý oryndary men kolledj túlekteri úshin jastar baǵdarlamasynan bólek, eńbek naryǵynda suranysqa ıe mamandyqtarǵa kásibı oqytý kýrstary týraly málimet beriledi. Sondaı-aq, is-shara aıasynda qyzmet kórsetý buryshtary ornatylyp, jumyspen qamtý ortalyǵy mamandarynyń keńesi (túıindeme qurastyrý úlgisi,EQ kiltin ashý jáne enbek.kz portalyn paıdalaný múmkindikteri jáne t.b.) beriledi.
