قولجەتىمدى سپورت اۋلادان باستالادى

2380
Adyrna.kz Telegram

تاۋەلسىزدىكتىڭ 30 جىلدىعى قارساڭىندا شىمكەنت قالاسىنىڭ ءال-فارابي اۋدانى مايلىقوجا كوشەسىندەگى كوپقاباتتى № 17 ءۇي اۋلاسىندا جاڭا سپورت الاڭشاسى تۇرعىندار يگىلىگىنە تاپسىرىلدى. بەلگىلى كاسىپكەر سەرىك ءتۇلباسوۆتىڭ جەكە قورىنىڭ ەسەبىنەن سالىنعان الاڭشانى قالا اكىمىنىڭ ورىنباسارى ماقسۇت يساحوۆ اشتى.

بيىل دەمەۋشى قاراجاتى ەسەبىنەن سالىنعان 5-ءشى سپورت الاڭشاسىندا ۆوركاۋت ايماعى، فيتنەس، ۆولەيبول، باسكەتبول جانە كىشى فۋتبول ويناۋعا مۇمكىندىك بار.

– ەل بولاشاعى – جاستاردىڭ دەنساۋلىعى مەن بىلىمىندە. سول ميسسيانى ورىنداۋ ماقساتىندا بارشامىز بىرلەسە جۇمىس اتقارۋىمىز كەرەك. بۇقارالىق سپورتتى دامىتۋعا ءوز سەپتىگىن تيگىزىپ جۇرگەن قالامىزدىڭ جومارت ازاماتتارىنا العىس. بيىل ءال-فارابي اۋدانىندا جالپى 31 سپورت الاڭشاسى پايدالانۋعا بەرىلەدى. ونىڭ 25-ءى قالا بيۋدجەتىنەن، ال 6-ى دەمەۋشى ەسەبىنەن. تۇرعىندار بۇل يگى ىستەرىڭىزدى ۇمىتپايدى، – دەدى ماقسۇت پەرنەبايۇلى.

بۇگىندە شىمكەنت قالاسىنىڭ بارلىق اۋدان اۋماعىندا بالالار ويىن الاڭشالارى، سپورت ترەناجەرلارى پايدالانۋعا بەرىلۋدە.

«ادىرنا» ۇلتتىق پورتالى

پىكىرلەر