Táýelsizdiktiń 30 jyldyǵy qarsańynda Shymkent qalasynyń Ál-Farabı aýdany Maılyqoja kóshesindegi kópqabatty № 17 úı aýlasynda jańa sport alańshasy turǵyndar ıgiligine tapsyryldy. Belgili kásipker Serik Túlbasovtyń jeke qorynyń esebinen salynǵan alańshany qala ákiminiń orynbasary Maqsut Isahov ashty.
Bıyl demeýshi qarajaty esebinen salynǵan 5-shi sport alańshasynda vorkaýt aımaǵy, fıtnes, voleıbol, basketbol jáne kishi fýtbol oınaýǵa múmkindik bar.
– El bolashaǵy – jastardyń densaýlyǵy men biliminde. Sol mıssııany oryndaý maqsatynda barshamyz birlese jumys atqarýymyz kerek. Buqaralyq sportty damytýǵa óz septigin tıgizip júrgen qalamyzdyń jomart azamattaryna alǵys. Bıyl Ál-Farabı aýdanynda jalpy 31 sport alańshasy paıdalanýǵa beriledi. Onyń 25-i qala bıýdjetinen, al 6-y demeýshi esebinen. Turǵyndar bul ıgi isterińizdi umytpaıdy, – dedi Maqsut Pernebaıuly.
Búginde Shymkent qalasynyń barlyq aýdan aýmaǵynda balalar oıyn alańshalary, sport trenajerlary paıdalanýǵa berilýde.
«Adyrna» ulttyq portaly
