قازاق كسر بۇرىنعى ءبىلىم ءمينيسترى قاجاحمەت بالاحمەتوۆ 96 جاسىندا دۇنيەدەن ءوتتى، دەپ حابارلايدى Zakon.kz.
بۇل تۋرالى الەۋمەتتىك جەلىدە قر ءبىلىم جانە عىلىم مينيسترلىگىنىڭ باسشىسى اسحات ايماعامبەتوۆ جازدى.
"بۇگىن وتاندىق ءبىلىم بەرۋ ءىسىنىڭ كوريفەيى، قازاق كسر ءبىلىم بەرۋ ءمينيسترى بولعان قاجاحمەت بالاحمەتوۆ ومىردەن وتكەندىگى تۋرالى سۋىت حابار جەتىپ، كوڭىلدى قۇلازىتتى.
قاجاحمەت بالاحمەتۇلى ەلىمىزدىڭ ءبىلىم بەرۋ سالاسىن دامىتۋعا باعا جەتپەس ۇلەس قوسقان ادام. بۇل سالانى 13 جىلدان استام باسقارعان ول، بالالار مەن جاستاردى وقىتۋ ماسەلەسىنە ەرەكشە نازار اۋداراتىن.سوڭعى رەت قاجاحمەت بالاحمەتوۆپەن بيىل جازدا 95 جاس مەرەيتويىمەن قۇتتىقتاپ بارعانىمدا كەزدەسىپ ەدىك. ول ۇنەمى ءبىلىم بەرۋ ىسىندەگى جاڭالىقتاردى قاداعالاپ، ءوز تاجىريبەسىمەن ءبولىسىپ وتىراتىن.
قاجاحمەت بالاحمەتۇلىنىڭ تۋعان-تۋىستارى مەن جاقىندارىنا قايعىلارىنا ورتاقتاسىپ، كوڭىل ايتامىن", دەپ جازدى ول.
قاجاحمەت بالاحمەتوۆ 1926 جىلى، قازىرگى ايىرتاۋ اۋدانىندا دۇنيەگە كەلگەن. قازمۋ-دى (قازىرگى ءال-فارابي اتىند. قازاق ۇلتتىق ۋن-ءتى) بىتىرگەن (1948). 1948 — 52 ج. سىرىمبەت ورتا مەكتەبىنىڭ مۇعالىمى, 1953 — 57 ج. بىرجان سال اۋدانى ماكينسك جانە ستەپنياك ورتا مەكتەپتەرىنىڭ ديرەكتورى، 1957 — 60 ج. كوكشەتاۋ وبلىسى حالىققا ءبىلىم بەرۋ ءبولىمى مەڭگەرۋشىسىنىڭ ورىنباسارى، 1968 — 80 ج. مەڭگەرۋشىسى، 1970 — 74 ج. قازاقستان كومپارتياسى وك-ءنىڭ عىلىم جانە ءبىلىم بەرۋ مەكەمەلەرى ءبولىمى مەڭگەرۋشىسىنىڭ ورىنباسارى; 1974 — 87 ج. قازاق كسر وقۋ-اعارتۋ ءمينيسترى قىزمەتتەرىن اتقارعان. ب. 13 جىل بويى قازاق-كورەي دوستىعى قاۋىمداستىعىنىڭ توراعاسى بولدى. ءبىلىم بەرۋ ماسەلەلەرىنە ارنالعان 70-تەن اسا ەڭبەكتەرى جارىق كوردى. تمد-نىڭ حالىقار. بالالار قورى اسسوتسياتسياسىنىڭ ۆيتسە-پرەزيدەنتى بولىپ سايلانعان. 3 مارتە ەڭبەك قىزىل تۋ وردەنىمەن جانە مەدالدارمەن، ءتوس بەلگىلەرمەن جانە گراموتالارمەن ماراپاتتالعان.
"ادىرنا" ۇلتتىق پورتالى
