Qazaq KSR burynǵy bilim mınıstri Qajahmet Balahmetov 96 jasynda dúnıeden ótti, dep habarlaıdy Zakon.kz.
Bul týraly áleýmettik jelide QR Bilim jáne ǵylym mınıstrliginiń basshysy Ashat Aımaǵambetov jazdy.
"Búgin otandyq bilim berý isiniń korıfeıi, Qazaq KSR bilim berý mınıstri bolǵan Qajahmet Balahmetov ómirden ótkendigi týraly sýyt habar jetip, kóńildi qulazytty.
Qajahmet Balahmetuly elimizdiń bilim berý salasyn damytýǵa baǵa jetpes úles qosqan adam. Bul salany 13 jyldan astam basqarǵan ol, balalar men jastardy oqytý máselesine erekshe nazar aýdaratyn.Sońǵy ret Qajahmet Balahmetovpen bıyl jazda 95 jas mereıtoıymen quttyqtap barǵanymda kezdesip edik. Ol únemi bilim berý isindegi jańalyqtardy qadaǵalap, óz tájirıbesimen bólisip otyratyn.
Qajahmet Balahmetulynyń týǵan-týystary men jaqyndaryna qaıǵylaryna ortaqtasyp, kóńil aıtamyn", dep jazdy ol.
Qajahmet Balahmetov 1926 jyly, qazirgi Aıyrtaý aýdanynda dúnıege kelgen. QazMÝ-dy (qazirgi ál-Farabı atynd. Qazaq ulttyq ýn-ti) bitirgen (1948). 1948 — 52 j. Syrymbet orta mektebiniń muǵalimi, 1953 — 57 j. Birjan sal aýdany Makınsk jáne Stepnıak orta mektepteriniń dırektory, 1957 — 60 j. Kókshetaý oblysy Halyqqa bilim berý bólimi meńgerýshisiniń orynbasary, 1968 — 80 j. meńgerýshisi, 1970 — 74 j. Qazaqstan Kompartııasy OK-niń Ǵylym jáne Bilim berý mekemeleri bólimi meńgerýshisiniń orynbasary; 1974 — 87 j. Qazaq KSR Oqý-aǵartý mınıstri qyzmetterin atqarǵan. B. 13 jyl boıy qazaq-koreı dostyǵy qaýymdastyǵynyń tóraǵasy boldy. Bilim berý máselelerine arnalǵan 70-ten asa eńbekteri jaryq kórdi. TMD-nyń Halyqar. balalar qory assoıaııasynyń vıe-prezıdenti bolyp saılanǵan. 3 márte Eńbek Qyzyl Tý ordenimen jáne medaldarmen, tós belgilermen jáne gramotalarmen marapattalǵan.
"Adyrna" ulttyq portaly
