الماتىدا ايەل ازاماتتاردى كۇماندى جوباعا ينۆەستيتسيا سالۋعا شاقىردى، دەپ حابارلايدى Polisia.kz.
10 جابىرلەنۋشىگە كەلتىرىلگەن جالپى ماتەريالدىق شىعىن 130 ميلليون تەڭگەنى قۇرايدى. پوليتسيا قىزمەتكەرلەرىنىڭ ايتۋىنشا، 51 جاستاعى م.ەسىمدى ازاماتشا ۇستالىپ، قر قىلمىستىق-پروتسەسسۋالدىق كودەكسىنىڭ 128-بابىنا سايكەس ۋاقىتشا ۇستاۋ يزولياتورىنا قامالدى.
«ونىڭ ارەكەتى قر قك-ءنىڭ 190-بابى 4-بولىگىنىڭ 2-تارماعىمەن سارالانعان. سوتپەن “قاماۋدا ۇستاۋ” تۇرىندەگى بۇلتارتپاۋ شاراسىنا سانكتسيالاندى.
كۇدىكتى ينۆەستيتسيالاۋ بويىنشا جشس اشىپ، ونى تۋىسقانىنا تىركەگەنى انىقتالدى. ايەل تۋىستارى مەن دوستارى ارقىلى ادامداردى تارتا وتىرىپ، ولارعا اقشا تۇرىندەگى جاردەماقى الۋعا ۋادە بەرىپ، پرەزەنتاتسيالار جۇرگىزە باستادى.
بوتەننىڭ مۇلكىن ءوز مەنشىگىنە زاڭسىز جانە وتەۋسىز ايىرباستاۋ ماقساتىندا الداۋ جولىمەن جابىرلەنۋشىلەرگە سالعان سومانىڭ 10% مولشەرىندە اي سايىن ديۆيدەند تولەۋگە ۋادە بەرگەن.
“نيەتىنىڭ ءتۇزۋ ەكەنىن دالەلدەۋ ءۇشىن جابىرلەنۋشىلەرمەن ءوز كومپانياسىنىڭ اتىنان جالعان ينۆەستيتسيالىق كەلىسىمدەر جاساپ، ولاردان قولحات ارقىلى 500 مىڭنان 50 ميلليون تەڭگەگە دەيىن اقشا العان”، – دەيدى اۋەزوۆ اپب باستىعى ۇلان ابىلقايىر
“ادىرنا” ۇلتتىق پورتالى
