"بەتىمەن كەتكەن!" - تالدىقورعاندا قۇربىسىن اياۋسىز جۇدىرىقتاعان قىز تاعى دا جەلىنى شۋلاتتى

2207
Adyrna.kz Telegram
قۇربىسىن جۇدىرىقتىڭ استىنا الىپ، جان داۋىسىن شىعارا توپەلەگەن تالدىقورعاندىق ءۇش قىزدىڭ ىشىندەگى "باسبۇزارى" تاعى جەلىنى شۋلاتتى. بۇل جولى جۇزىنە تىك قاراعان جانعا جۇدىرىعىن الا جۇگىرەتىن سوتقار قىز ەر بالاعا سوقتىعىپ، اقشا تالاپ ەتكەن. ەستەرىڭىزگە سالا كەتەيىك، تۇرعىندار "بەتىمەن كەتكەن" دەپ ساناعان سوتقار قىزدارعا پوليتسيا ەش شارا قولدانباعان ەدى، دەپ حابارلايدى "ادىرنا"  ۇلتتىق پورتالى. 
الەۋمەتتىك جەلىدە جۇدىرىعىن الا جۇگىرەتىن قۇندىز ەسىمدى جاسوسپىرىمگە قاتىستى ۆيدەو تارادى. بۇل جولى قۇندىز ۇل بالانى سوعىپ، اقشا تالاپ ەتكەن.
- 3 قىز بولىپ قۇربىسىنا جۇدىرىق كەزەگەن تالدىقورعاندىق جاسوسپىرىمدەردىڭ سالعان سويقانى جالعاسىن تاۋىپ جاتىر. بىزگە قۇندىزدىڭ ەر بالانى توپەلەپ، اقشا تالاپ ەتىپ جاتقانىن دالەلدەيتىن جاڭا ۆيدەو كەلىپ ءتۇستى، - دەپ جازىلعان الەۋمەتتىك جەلى پاراقشاسىندا.
جالعاندى جالپاعىنان باسقان جەتكىنشەكتەرگە شارا قولدانۋدان قالىس قالىپ وتىرعاندارعا قاتىستى وقىرماندار تومەندەگىدەي پىكىر ءبىلدىردى:
-  بارلىق قىزمەتكەرلەر ادام ولتىرگەنىن كۇتىپ وتىرعان شىعار؟! ەستەرىڭىزگە سالا كەتەيىك، تالدىقورعاندا ءۇش قىز جالعىزدىڭ جان داۋسىن شىعارىپ تۇرىپ جۇدىرىقتىڭ استىنا سالعان بولاتىن. سول كەزدە قۇندىز دەگەن قىز قالىڭ كوپشىلىكتەن اكەسى جانىندا تۇرىپ كەشىرىم سۇراعان بولاتىن. ال پوليتسيا قىزمەتكەرلەرىمەن جۇرگەن ۆيدەولاردىڭ بارلىعىن جەلىدەن الدىم دەگەن بولاتىن. ال ءبىز سەنە سالايىق. ءوز تىلىدەرىندە سويلەيتىن بۇلارعا @zhetysu.police ءبىر شارا قولدانباساڭىزدار بولمايدى. بۇل قىزدار قازىر قايدا ءجۇر؟ نە ىستەپ، نەمەن اينالىسى ءجۇر؟ بارلىعىن انىقتاۋ كەرەك! سەبەبى، ولار قوعام ءۇشىن قاۋىپتى! ەرتەڭ بىرەۋدىڭ بالاسىن بۇزادى.
- مىناۋ ءبىر تەرميناتور بولدى عوي. انا جىگىتتىڭ باتپاي تۇرعانىنا قاراعاندا ءبىر باندگرۋپپيروۆكانىڭ قىزى شىعار.
-  دۇرىس بايقاعان سياقتىسىز. مەندە سولاي ايتتىم. مەنىڭشە جىگىت ءəلى جەتسە دە تاياق جەپ قانا قۇتىلۋدى ماقسات تۇتقان سەكىلدى. مۇمكىن بىرەۋلەردەن ىقتى ما يا بولماسا مىناعان قارسى شىعىپ قول كوتەرسە سىبايلاس ادامدارى تۇبىنە جەتەتىنىن ءتۇسىنىپ تۇياق تا سەرىپپەدى مە ەكەن؟
- بەىمەن كەتكەن! بۇل راسىندا دا نەگە ايىلىن جيمايدى؟ دەمەك بۇنىڭ بىلىعىن بۇركەمەلەيتىن بىرەۋلەر بار، - دەپ جازدى وقىرماندار.
"ادىرنا" ۇلتتىق پورتالى
پىكىرلەر