«زاڭ مەن ءتارتىپ» قاعيداتىن ىسكە اسىرۋ اياسىندا جەتىسۋ وبلىسىنىڭ بارلىق قالالارى مەن اۋداندارىندا قۇقىق بۇزۋشىلىقتاردىڭ الدىن الۋعا، الەۋمەتتىك تاۋەكەلدەردى ازايتۋعا جانە قوعامدىق قاۋىپسىزدىكتى نىعايتۋعا باعىتتالعان پروفيلاكتيكالىق جۇمىس كابينەتتەرى ءوز جۇمىسىن باستايدى.
پروفيلاكتيكالىق كابينەتتەردىڭ قىزمەتى وبلىستىق پوليتسيا دەپارتامەنتىنىڭ قۇرىلىمدىق بولىمشەسى بولىپ تابىلاتىن پروفيلاكتيكالىق جۇمىستى ۇيلەستىرۋ باسقارماسى ارقىلى ۇيىمداستىرىلادى جانە مۇددەلى مەملەكەتتىك ورگاندارمەن، سونداي-اق ازاماتتىق قوعام ينستيتۋتتارىمەن بىرلەسىپ جۇزەگە اسىرىلادى.
پروفيلاكتيكالىق كابينەتتەر جۇمىسىنىڭ كەشەندى ءارى نىسانالى بولۋى ءۇشىن تومەندەگى ماماندار تارتىلعان:
• پسيحولوگتار — پسيحولوگيالىق كومەك كورسەتۋ، داعدارىستىق جاعدايلارمەن، وتباسىلىق جانجالدارمەن جانە تاۋەكەل توبىنا جاتاتىن جاسوسپىرىمدەرمەن جۇمىس ىستەۋ ءۇشىن;
• دارىگەر-ناركولوگتار — الكوگوليزمنىڭ، ناشاقورلىقتىڭ جانە وزگە دە تاۋەلدىلىكتەردىڭ الدىن الۋ، ءتۇسىندىرۋ جانە كەڭەس بەرۋ جۇمىستارىن جۇرگىزۋ ءۇشىن;
• مەديتسينا قىزمەتكەرلەرى — العاشقى مەديتسينالىق كەڭەس بەرۋ جانە ءتيىستى بەيىندى ماماندارعا جولداۋ ءۇشىن;
• الەۋمەتتىك قىزمەتكەرلەر — قولايسىز وتباسىلاردى جانە ومىرلىك قيىن جاعدايعا تاپ بولعان ازاماتتاردى الەۋمەتتىك سۇيەمەلدەۋ ءۇشىن;
• پوليتسيا قىزمەتكەرلەرى — قۇقىقتىق كەڭەس بەرۋ، قۇقىق بۇزۋشىلىقتاردىڭ الدىن الۋ جانە ۆەدومستۆوارالىق ءوزارا ءىس-قيمىلدى ۇيلەستىرۋ ءۇشىن.
پروفيلاكتيكالىق جۇمىس كابينەتتەرىنىڭ نەگىزگى مىندەتتەرى:
• الەۋمەتتىك جانە مىنەز-قۇلىقتىق تاۋەكەلدەردى ەرتە كەزەڭدە انىقتاۋ;
• تۇرمىستىق زورلىق-زومبىلىقتىڭ، كامەلەتكە تولماعاندار اراسىنداعى قۇقىق بۇزۋشىلىقتاردىڭ جانە قايتالاما قىلمىستىڭ الدىن الۋ;
• الكوگوليزمنىڭ، ناشاقورلىقتىڭ جانە دەۆيانتتى مىنەز-قۇلىقتىڭ وزگە دە تۇرلەرىنىڭ الدىن الۋ;
• ازاماتتارعا كەڭەستىك جانە پسيحولوگيالىق كومەك كورسەتۋ;
• قوعامدا قۇقىقتىق مادەنيەت پەن جاۋاپتى مىنەز-قۇلىقتى قالىپتاستىرۋ;
• حالىق پەن مەملەكەتتىك ورگاندار اراسىنداعى سەنىمدى نىعايتۋ.
پروفيلاكتيكالىق كابينەتتەردىڭ اشىلۋى قۇقىق بۇزۋشىلىقتىڭ سالدارىمەن ەمەس، ونىڭ سەبەپتەرىمەن جۇمىس ىستەۋگە باعىتتالعان پرەۆەنتيۆتى ارەكەت ەتۋ مودەلىن قالىپتاستىرۋعا مۇمكىندىك بەرەدى.
پروفيلاكتيكا — مەملەكەت پەن قوعامنىڭ ورتاق جاۋاپكەرشىلىگى. ءدال وسىنداي اشىق ءوزارا ءىس-قيمىل تەتىكتەرى ارقىلى وڭىردە زاڭدىلىقتىڭ، ءتارتىپتىڭ جانە قوعامدىق قاۋىپسىزدىكتىڭ ورنىقتى جۇيەسى قالىپتاسادى.
زاڭ مەن ءتارتىپ — پروفيلاكتيكا ارقىلى.
قاۋىپسىزدىك سەنىم مەن قولداۋدان باستالادى.
