استانادا قوعامدىق كولىكتە قىزعا تيىسكەن 46 جاستاعى ەر ادام ۇستالدى، دەپ حابارلايدى “ادىرنا” ءتىلشىسى.
وقيعا تۋرالى جابىرلەنۋشى الەۋمەتتىك جەلىدە جازبا جاريالاعان.
قىزدىڭ ايتۋىنشا، اۆتوبۋستا كەلە جاتقاندا بەلگىسىز ەر ادامنىڭ وزىنە قول تيگىزگەنىن سەزگەن. ارتىنا بۇرىلعاندا، ونىڭ قولىن كورىپ، ارەكەتىنىڭ كەزدەيسوق بولماعانىن تۇسىنگەن.
«ول ماعان ءتيىستى. مەن بىردەن بۇرىلىپ، ودان الىستادىم دا، “ۇيات ەمەس پە؟” دەدىم. بىراق سول ساتتە دە ءوزىمدى كىنالى سەزىندىم»، – دەپ جازدى ول.
جابىرلەنۋشى ەر ادامنىڭ سۋرەتىن ءتۇسىرىپ، وقيعا تۋرالى كوپشىلىككە جاريالاعان. سونداي-اق ول پوليتسياعا جۇگىنگەن جاعدايدا ادىلدىككە قول جەتكىزە الاتىنىنا كۇمانداناتىنىن جەتكىزگەن.
قىزدىڭ جازباسى الەۋمەتتىك جەلىدە قىزۋ تالقىلاندى. پىكىر قالدىرعان ايەلدەردىڭ بىرقاتارى قوعامدىق كولىكتە وسىنداي جاعدايلارعا تاپ بولعانىن جازعان.
استانا قالالىق پد مالىمەتىنشە، اتالعان وقيعاعا بايلانىستى 46 جاستاعى ەر ادام ۇستالعان.
