جانتۇرشىگەرلىك جول اپاتى. قازا تاپقانداردىڭڭ تۋىسى ادىلدىكتى تالاپ ەتۋدە

الماتى قالاسىندا بولعان جانتۇرشىگەرلىك جول-كولىك وقيعاسى قوعامدا ۇلكەن رەزونانس تۋدىردى، دەپ حابارلايدى "ادىرنا" ۇلتتىق پورتالى.

قايعىلى اپات سالدارىنان ءۇش ادام قازا تاۋىپ، ولاردىڭ تۋىستارى ءادىل تەرگەۋ جۇرگىزۋدى تالاپ ەتىپ وتىر.

وقيعا 21 ناۋرىز كۇنى ءال-فارابي داڭعىلى بويىندا بولعان. الدىن الا مالىمەتتەرگە سايكەس، Zeekr 9X ماركالى كولىك قارسى باعىتقا شىعىپ كەتىپ، Mercedes اۆتوكولىگىمەن بەتپە-بەت سوقتىعىسقانى تۋرالى حابارلانعان. جول اپاتى سالدارىنان 29 جاستاعى جۇرگىزۋشى جانە 20 مەن 22 جاستاعى ەكى جولاۋشى وقيعا ورنىندا قازا تاپتى.

الەۋمەتتىك جەلىلەردە تاراعان اقپاراتقا سايكەس، Zeekr كولىگىن 32 جاستاعى الماتىلىق كاسىپكەر باسقارعان. كۋاگەرلەردىڭ ايتۋىنشا، اپات بولعان ساتتە كولىك باسقا اۆتوكولىكپەن جارىسقا تۇسكەن بولۋى مۇمكىن. كۇدىكتى جۇرگىزۋشى اۋىر جاراقات الىپ، اۋرۋحاناعا جەتكىزىلگەن.

مارقۇمداردىڭ تۋىستارى الەۋمەتتىك جەلىلەر ارقىلى ۇندەۋ جاساپ، ادىلدىك سۇراپ وتىر. ولاردىڭ ايتۋىنشا، قازا تاپقان ازامات وتباسىنىڭ جالعىز اسىراۋشىسى بولعان.

ء«ىنىم وتباسىنىڭ تىرەگى ەدى. ونىڭ ورنىن ەشكىم تولتىرا المايدى»، – دەيدى جاقىندارى.

مارقۇمداردىڭ تۋىستارى مەن دوستارى ءىستىڭ اشىق ءارى ءادىل تەرگەلۋىن تالاپ ەتىپ، كىنالىلەردىڭ زاڭ الدىندا جاۋاپ بەرۋىن سۇرادى. ولار قۇزىرلى ورگانداردى بۇل ءىستى ەرەكشە باقىلاۋعا الۋعا شاقىرىپ وتىر.