نۇر-سۇلتان قالاسىنىڭ مامانداندىرىلعان اۋدانارالىق اكىمشىلىك سوتى اينا باكەەۆاعا قاتىستى ۇكىم شىعاردى، دەپ حابارلايدى “ادىرنا” ۇلتتىق پورتالى KZNEWS سايتىنا سىلتەمە جاساپ.
ول جەلىدە مەكتەپتە بالالارعا ماجبۇرلەپ جاسىرىن ۆاكتسينا سالىنىپ جاتقانى جايلى جالعان اقپارات تاراتقانى ءۇشىن ايىپتالدى.
دارىگەر اكىمشىلىك قۇقىق بۇزۋ كودەكسىنىڭ 434-بابى 1-بولىمىمەن (ۇساق بۇزاقىلىق) كىنالى دەپ تانىلىپ، 10 تاۋلىككە قاماۋعا الىنعان. سوت ۇكىمىن شىمكەنت قالاسىنىڭ پوليتسيا دەپارتامەنتى ورىندايدى.
ۆيدەودان بىرنەشە ايەلدىڭ (ونىڭ ىشىندە اينا باكەەۆا دا بار) مەكتەپ سپورت زالىنا كىرگەنىن كورۋگە بولادى. تاسپانى ءتۇسىرىپ جۇرگەن ايەل ءوزىنىڭ جۋرناليست ەكەنىن ايتىپ، ال كادر سىرتىنداعى داۋىس مەكتەپتە بالالارعا اتا-اناسىنا ايتپاي ۆاكتسينا سالىنىپ جاتقانىن جەتكىزەدى.
كەيىننەن مەكتەپ باسشىلىعى مەن بالانىڭ اناسى ونداي جاعدايدىڭ بولماعانىن، ۆيدەونىڭ پروۆوكاتسيا ەكەنىن مالىمدەدى.
“ادىرنا” ۇلتتىق پورتالى
