جەلىدە حالىققا ءبىر رەتتىك الەۋمەتتىك تولەم تۋرالى جالعان حابارلاما تاراپ كەتتى. الاياقتار ەلىمىزدىڭ ءاربىر ازاماتىنا 150 مىڭ تەڭگە بەرىلەتىنى تۋرالى اقپاراتقا پرەزيدەنت قاسىم-جومارت توقاەۆتىڭ سۋرەتىن پايدالانىپ، جاريالاعان، دەپ حابارلايدى "ادىرنا" ۇلتتىق پورتالى.
Stopfake اقپاراتتى تەكسەرىپ، "جالعان" دەگەن مالىمدەمە جاسادى.
الاياقتاردىڭ اتالمىش تولەم تۋرالى بىرقاتار مينيسترلىكتەردىڭ حابارلاعانىن دا قوسا جازعان. ودان بولەك، جەلىدە جالعان سويلەگەندەر قازاقستاندا جوق "قر قايىرىمدىلىق قورىن" دا كورسەتكەن.
جەلىدەگى جارناماعا سەنسەك، بۇل مەملەكەتتىك باعدارلاما Halyk Bank ارقىلى جۇزەگە اسىرىلۋدا. الايدا بانك سايتىندا دەرەكتەر كورسەتىلمەگەن.
“قىلمىسكەرلەر بەرگەن سىلتەمەدە ازاماتتار تولەمنىڭ بار-جوعىن تەكسەرۋ ءۇشىن جسن تەرۋگە ءتيىس. بۇل ايلا. كۇماندى سايتتا دەرەكتەردى قالدىرا وتىرىپ، ءسىز ءوزىڭىز تۋرالى ماڭىزدى اقپاراتتى بەلگىسىز ادامدارعا بەرەسىز. ولار ونى ءوز ماقساتىندا پايدالانا الادى. بارشاڭىزدى تەك رەسمي حابارلامالارعا عانا سەنۋگە شاقىرامىز!”، – دەلىنگەن حابارلامادا.
