استانادا مارافونشى، تىركەلمەگەن «العا، قازاقستان» وپپوزيتسيالىق پارتياسىنىڭ توراعاسى مارات جىلانباەۆ قاماۋعا الىندى، دەپ حابارلايدى «ادىرنا» ءتىلشىسى.
ول قىلمىستىق كودەكستىڭ 405-بابى («سوت تىيىم سالعان ۇيىمنىڭ جۇمىسىنا قاتىسۋ») مەن 258-بابىندا («تەرروريستىك نە ەكسترەميستىك ارەكەتتى قارجىلاندىرۋ») كورسەتىلگەن ءىس-ارەكەتكە بارعان دەگەن كۇدىككە ءىلىنىپ وتىر.
«2023 جىلعى 25 مامىردا استانا قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى مارات جىلانباەۆقا قاتىستى كۇزەتپەن ۇستاۋ تۇرىندەگى بۇلتارتپاۋ شاراسىن 2 اي مەرزىمگە سانكتسيالادى»،—دەلىنگەن حابارلامادا.
بۇعان دەيىن جىلانباەۆ مامىر ايىنىڭ باسىندا 20 تاۋلىككە قاماۋعا الىنعان ەدى. 23 مامىردا ول ۋاقىتشا ۇستاۋ يزولياتورىنان پوليتسياعا جەتكىزىلدى.
ايتا كەتەيىك، مارات جىلانباەۆ ءبىر جارىم جىل ىشىندە الەمدەگى ەڭ ۇلكەن ءۇش ءشولدى جالعىز جۇگىرىپ ءوتۋ ارقىلى تانىمال بولدى. ول —مۇنداي جەتىستىككە قول جەتكىزگەن الەمدەگى جالعىز ادام. سونداي-اق سپورتشى گيننەس رەكوردتار كىتابىنا جەتى رەت ەنگەن.
