"قاڭتار وقيعاسىنا" قاتىستى قىلمىستىق جاۋاپكەرشىلىككە تارتىلعان "ديكي ارماننىڭ" سىبايلاستارى قاماۋعا الىنىپ جاتىر. ولاردىڭ اراسىندا بەلگىلى ايتىسكەر اقىن اينۇر تۇرسىنباەۆانىڭ كۇيەۋى قۇرعان قىلمىستىق توپتىڭ وكىلدەرى دە بار، دەپ حابارلايدى ادىرنا اقپاراتتىق پورتالى.
ءىىم مالىمەتىنشە،
پوليتسيا قىلمىستىق توپتى قۇرىقتاۋ وپەراتسياسىن ءۇش كەزەڭگە ءبولىپ جۇرگىزگەن. وپەراتسيا بارىسىندا قۇرىقتالعانداردىڭ اراسىندا قىلمىس الەمىندە "نويس" اتتى لاقاپ اتپەن بەلگىلى نۇرجان يماناليەۆتىڭ سىبايلاستارى دا بار. نۇرجان يماناليەۆ قازاق قوعامىنا ايتىسكەر اقىن اينۇر تۇرسىنباەۆانىڭ كۇيەۋى رەتىندە دە تانىمال.
قىلمىستىق ورتادا “نويس” دەگەن لاقاپ اتىمەن بەلگىلى نۇرجان يماناليەۆكە بۇعان دەيىن حالىقارالىق ىزدەۋ جاريالانعان. ول "ديكي ارماننىڭ", ياعني ارمان جۇماگەلديەۆتىڭ “وڭ قولى” سانالعان.
ءىىم مينيسترلىگىنىڭ ءباسپاسوز قىزمەتى "نويستىڭ" قايدا جۇرگەنىن ىزدەستىرۋدە.
