شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان قاراتاۋ اۋداندىق جاستار ورتالىعىندا قالا جاستارىمەن ەركىن فورماتتا كەزدەسىپ، سۇحبات قۇردى. ءىس-شارا قالالىق «جاستار رەسۋرستىق ورتالىعى» كمم-ءنىڭ قاراتاۋ اۋداندىق بولىمشەسىنىڭ ۇيىمداستىرۋىمەن ءوتتى.
كەزدەسۋ بارىسىندا شىڭعىس جۇمابەكۇلى ورتالىقتىڭ جۇمىس بارىسىمەن تانىسىپ، قالا جاستارىنىڭ وزەكتى ماسەلەلەرى مەن قىزىعۋشىلىقتارى جايىندا ەركىن فورماتتا سۇحبات جۇرگىزدى. ايتا كەتەيىك، شىمكەنت – جاستاردىڭ قالاسى. بۇگىندە قالا حالقىنىڭ 23 پايىزىن جاستار قۇرايدى. شىڭعىس جۇمابەكۇلى قالا جاستارىنىڭ ساۋال-سۇراقتارىن تىڭداپ، وتىنىشتەرىنە قۇلاق استى.
شىڭعىس مۇقان- شىمكەنت قالاسى اكىمىنىڭ ءبىرىنشى ورىنباسارى
جاستار رەسۋرستىق ورتالىعىنىڭ ۇيىمداستىرۋىمەن وتكەن ءىس-شاراعا ءار سالانىڭ بەلسەندى ۇزدىكتەرى، قالامىزعا بەلگىلى جاس كاسىپكەر، جاس رەجيسسەر، مۇعالىم، كومپوزيتور، ديزاينەر، قولونەرشى، ءبيشى، جاس اقىن، جاس سۋرەتشى، ەرىكتىلەر، پىكىرسايىسشىلار، جالپى 20-عا جۋىق تالانتتى جاستار قاتىسىپ، بەلسەندىلىك تانىتتى. كەزدەسۋ بارىسىندا قالا اكىمىنىڭ ءبىرىنشى ورىنباسارى جەكە ومىرىنەن قىزىقتى ساتتەرىن ايتىپ، ەڭبەك تاجىريبەسىمەن ءبولىستى.
شىڭعىس مۇقان- شىمكەنت قالاسى اكىمىنىڭ ءبىرىنشى ورىنباسارى
ەركىن فورماتتاعى مۇنداي جۇزدەسۋلەر باسقا دا اۋداندىق جاستار ورتالىقتارىندا الداعى ۋاقىتتا تۇراقتى تۇردە ءوتىپ تۇراتىن بولادى.
ا.امانحان
