Shymkent qalasy ákiminiń birinshi orynbasary Shyńǵys Muqan Qarataý aýdandyq jastar ortalyǵynda qala jastarymen erkin formatta kezdesip, suhbat qurdy. Is-shara qalalyq «Jastar resýrstyq ortalyǵy» KMM-niń Qarataý aýdandyq bólimshesiniń uıymdastyrýymen ótti.
Kezdesý barysynda Shyńǵys Jumabekuly ortalyqtyń jumys barysymen tanysyp, qala jastarynyń ózekti máseleleri men qyzyǵýshylyqtary jaıynda erkin formatta suhbat júrgizdi. Aıta keteıik, Shymkent – jastardyń qalasy. Búginde qala halqynyń 23 paıyzyn jastar quraıdy. Shyńǵys Jumabekuly qala jastarynyń saýal-suraqtaryn tyńdap, ótinishterine qulaq asty.
Shyńǵys Muqan- Shymkent qalasy ákiminiń birinshi orynbasary
Jastar resýrstyq ortalyǵynyń uıymdastyrýymen ótken is-sharaǵa ár salanyń belsendi úzdikteri, qalamyzǵa belgili jas kásipker, jas rejısser, muǵalim, kompozıtor, dızaıner, qolónershi, bıshi, jas aqyn, jas sýretshi, eriktiler, pikirsaıysshylar, jalpy 20-ǵa jýyq talantty jastar qatysyp, belsendilik tanytty. Kezdesý barysynda qala ákiminiń birinshi orynbasary jeke ómirinen qyzyqty sátterin aıtyp, eńbek tájirıbesimen bólisti.
Shyńǵys Muqan- Shymkent qalasy ákiminiń birinshi orynbasary
Erkin formattaǵy mundaı júzdesýler basqa da aýdandyq jastar ortalyqtarynda aldaǵy ýaqytta turaqty túrde ótip turatyn bolady.
A.Amanhan
