قر پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا ەلىمىزدىڭ ۇلتتىق ەكونوميكا ءمينيسترى اسەت ەرعاليەۆ ەكونوميكالىق كورسەتكىشتەردىڭ ورىندالۋى جونىندە حابارلاما جاسادى. «بارلىق كورسەتكىش بويىنشا وڭ ءوسىم 5 وڭىردە – شىمكەنت قالاسىندا، سونداي-اق الماتى، جامبىل، قوستاناي، ماڭعىستاۋ وبلىستارىندا بايقالادى. ال، 6 كورسەتكىش بويىنشا 8 وڭىردە ءوسىم بار. 3 وڭىردە 5 كورسەتكىش بويىنشا ءوسىم تىركەلدى. باتىس قازاقستان وبلىسىندا تەك 3 كورسەتكىش بويىنشا ءوسۋ بايقالدى»، - دەدى اسەت ەرعاليەۆ.
شىمكەنت قالاسىندا نەگىزگى كاپيتالعا سالىنعان ينۆەستيتسيا كولەمى 2021 جىلدىڭ 8 ايىندا 201,1 ملرد تەڭگەنى قۇراپ، 2020 جىلدىڭ ءتيىستى كەزەڭىمەن سالىستىرعاندا 135,9 پايىزعا ارتقان. نەگىزگى كاپيتالعا باعىتتالعان ينۆەستيتسيانىڭ قۇرىلىمىندا جەكەمەنشىك ينۆەستيتسيانىڭ ۇلەسى 72 پايىز بولسا، مەملەكەتتىك ينۆەستيتسيانىڭ ۇلەسى – 28 پايىزدى قۇرايدى. جەكەمەنشىك ينۆەستيتسيا ۇلەسىنىڭ ارتۋى ينۆەستيتسيالىق شتاب جۇمىسىنىڭ تيىمدىلىگىن كورسەتەدى. تۇرعىن ءۇي قۇرىلىسى سالاسىندا بيىلعى جىلى بارلىق قارجىلاندىرۋ كوزدەرى ەسەبىنەن 14 541 پاتەرلى 275 كوپقاباتتى تۇرعىن ءۇيدىڭ قۇرىلىسى جۇرگىزىلۋدە.جالپى اعىمداعى جىلى 1 ميلليون شارشى مەتردەن استام تۇرعىن ءۇي پايدالانۋعا بەرىلەدى دەپ جوسپارلانعان
شىمكەنتتەگى الەۋمەتتىك نىساندار جىلىتۋ ماۋسىمىنا تولىعىمەن دايىن
ۇكىمەت وتىرىسىندا وڭىرلەردىڭ 2021-2022 جىلدارداعى جىلۋ بەرۋ ماۋسىمىنا دايىندىق جۇمىستارى دا پىسىقتالدى. ايماقتارداعى دايىندىق بارىسى جونىندە بايانداعان قر ەنەرگەتيكا ءمينيسترى ماعزۇم مىرزاعاليەۆ شىمكەنتتەگى ءبىلىم بەرۋ، دەنساۋلىق ساقتاۋ نىساندارىنىڭ الداعى جىلىتۋ ماۋسىمىنا 100 پايىز دايىن ەكەندىگىن ايتتى. قالادا ورتالىقتاندىرىلعان جىلۋ جۇيەسىنە قوسىلعان 1 945 كوپقاباتتى تۇرعىن ءۇي بار. ونىڭ 1 847-ءسى، ياعني 95%-ى جىلۋ ماۋسىمىنا دايىن. قالعان تۇرعىن ۇيلەردە دايىندىق جۇمىستارى جالعاسىپ جاتىر. ال، الەۋمەتتىك نىساندار ى تولىعىمەن دايىن. «قۋاتجىلۋورتالىق-3» مكك-نا قاراستى 12 دانا جىلۋ قازاندىعى، 17 سورعى ستانسالارى 100% جىلۋ ماۋسىمىنا دايىن. «ك-19»، «پمك-49» قازاندىقتارىنا قاجەتتى 1,1 مىڭ توننا كومىر تاسىمالدانعان. شىمكەنتتەگى جىلۋ جۇيەلەرىنىڭ توزۋ دەڭگەيىن تومەندەتۋ ماقساتىندا بيىل 29,5 شاقىرىم جىلۋ جۇيەلەرىنە اعىمداعى جوندەۋ جۇمىستارى جۇرگىزىلۋدە. بۇگىنگى تاڭدا ونىڭ 28,4 شاقىرىمىندا جوندەۋ جۇمىستارى اياقتالدى. بۇل 96% قۇراپ وتىر، قازان ايىنا دەيىن جۇمىستار تولىعىمەن اياقتالادى.
