Shymkentte ekonomıkanyń barlyq sektorynda oń ósim baıqalady

1602
Adyrna.kz Telegram

QR Premer-mınıstri Asqar Mamınniń tóraǵalyǵymen ótken Úkimet otyrysynda elimizdiń Ulttyq ekonomıka mınıstri Áset Erǵalıev ekonomıkalyq kórsetkishterdiń oryndalýy jóninde habarlama jasady. «Barlyq kórsetkish boıynsha oń ósim 5 óńirde – Shymkent qalasynda, sondaı-aq Almaty, Jambyl, Qostanaı, Mańǵystaý oblystarynda baıqalady. Al, 6 kórsetkish boıynsha 8 óńirde ósim bar. 3 óńirde 5 kórsetkish boıynsha ósim tirkeldi. Batys Qazaqstan oblysynda tek 3 kórsetkish boıynsha ósý baıqaldy», - dedi Áset Erǵalıev.

Shymkent qalasynda negizgi kapıtalǵa salynǵan ınvestıııa kólemi 2021 jyldyń 8 aıynda 201,1 mlrd teńgeni qurap, 2020 jyldyń tıisti kezeńimen salystyrǵanda 135,9 paıyzǵa artqan. Negizgi kapıtalǵa baǵyttalǵan ınvestıııanyń qurylymynda jekemenshik ınvestıııanyń úlesi 72 paıyz bolsa, memlekettik ınvestıııanyń úlesi – 28 paıyzdy quraıdy. Jekemenshik ınvestıııa úlesiniń artýy ınvestıııalyq shtab jumysynyń tıimdiligin kórsetedi. Turǵyn úı qurylysy salasynda bıylǵy jyly barlyq qarjylandyrý kózderi esebinen 14 541 páterli 275 kópqabatty turǵyn úıdiń qurylysy júrgizilýde.Jalpy aǵymdaǵy jyly 1 mıllıon sharshy metrden astam turǵyn úı paıdalanýǵa beriledi dep josparlanǵan

ShYMKENTTEGI ÁLEÝMETTIK NYSANDAR JYLYTÝ MAÝSYMYNA TOLYǴYMEN DAIYN

Úkimet otyrysynda óńirlerdiń 2021-2022 jyldardaǵy jylý berý maýsymyna daıyndyq jumystary da pysyqtaldy. Aımaqtardaǵy daıyndyq barysy jóninde baıandaǵan QR Energetıka mınıstri Maǵzum Myrzaǵalıev Shymkenttegi bilim berý, densaýlyq saqtaý nysandarynyń aldaǵy jylytý maýsymyna 100 paıyz daıyn ekendigin aıtty. Qalada ortalyqtandyrylǵan jylý júıesine qosylǵan 1 945 kópqabatty turǵyn úı bar. Onyń 1 847-si, ıaǵnı 95%-y jylý maýsymyna daıyn. Qalǵan turǵyn úılerde daıyndyq jumystary jalǵasyp jatyr. Al, áleýmettik nysandar y tolyǵymen daıyn. «Qýatjylýortalyq-3» MKK-na qarasty 12 dana jylý qazandyǵy, 17 sorǵy stansalary 100% jylý maýsymyna daıyn. «K-19», «PMK-49» qazandyqtaryna qajetti 1,1 myń tonna kómir tasymaldanǵan. Shymkenttegi jylý júıeleriniń tozý deńgeıin tómendetý maqsatynda bıyl 29,5 shaqyrym jylý júıelerine aǵymdaǵy jóndeý jumystary júrgizilýde. Búgingi tańda onyń 28,4 shaqyrymynda jóndeý jumystary aıaqtaldy. Bul 96% qurap otyr, qazan aıyna deıin jumystar tolyǵymen aıaqtalady.

Pikirler