قر تۇڭعىش پرەزيدەنتى، ەلباسى، "Nur Otan" پارتياسىنىڭ توراعاسى نۇرسۇلتان نازارباەۆتىڭ تاپسىرماسىنا وراي، “Nur Otan” پارتياسىنىڭ «وزگەرىستەر جولى: ءار ازاماتقا لايىقتى ءومىر!» اتتى 2021-2025 جىلدارعا ارنالعان سايلاۋالدى باعدارلاماسىن ورىنداۋ ءىسى قارقىندى. وسى ماقساتتا دايىندالعان جول كارتاسى اياسىندا ءبىلىم جانە عىلىمدى دامىتۋ جونىندەگى رەسپۋبليكالىق قوعامدىق كەڭەستىڭ توراعاسى، ءماجىلىس دەپۋتاتى، "Nur Otan" پارتياسى فراكتسياسىنىڭ مۇشەسى جۇلدىز سۇلەيمەنوۆا شىمكەنت قالاسىنداعى وقۋ ورىندارىنىڭ جۇمىسىمەن تانىستى.
“Nur Otan” پارتياسىنىڭ توراعاسى، ەلباسىنىڭ 2019 جىلى “جاستار جىلى” اياسىندا «جاس مامان» جوباسىنىڭ ورىندالۋىن باقىلاۋ ماقساتىندا شىمكەنتتەگى بىرقاتار وقۋ ورىندارىن ارالادى. ەڭ الدىمەن قالاداعى №5 «جەڭىل ونەركاسىپ جانە سەرۆيس كوللەدجىنىڭ» ۇجىمىمەن كەزدەسىپ، وقۋ ورنىنىڭ ماتەريالدىق-تەحنيكالىق جاعدايىمەن تانىستى. ودان سوڭ ءماجىلىس دەپۋتاتى شىمكەنتتەگى جول-كولىك كوللەدجىنە باردى. «جاس مامان» جوباسى بويىنشا كوللەدجدىڭ تومەنگى قابات جەرتولەسىندە ورنالاسقان اۆتومەحانيكا ءبولىمى مەن تەمىرجول بولىمدەرىنىڭ زەرتحانالارى مەن كابينەتتەرىن ارالادى. گاراج كەشەنىندە «جەڭىل اۆتوكولىككە قىزمەت كورسەتۋ جانە جوندەۋ»، «جۇك كولىگىنە قىزمەت كورسەتۋ»، «شاناق جوندەۋ» قۇزىرەتتىلىك الاڭدارى، «قوزعالتقىشتار مەن ترانسميسسيالاردى بولشەكتەۋ قۇراستىرۋ» زەرتقانالىق كابينەتتەرىنىڭ قۇرال-جابدىقتارىن كوردى.
ءبىلىم مەكەمەسىندە مىڭنان اسا شاكىر ءبىلىم الۋدا. «جاس مامان» جوباسى بويىنشا ماتەريالدىق-تەحنيكالىق بازاسىن حالىقارالىق ستاندارتتار تالاپتارىنا ساي سوڭعى زاماناۋي ۇلگىدەگى قۇرال-جابدىقتارمەن قامتاماسىز ەتۋ ءۇشىن مەملەكەت ەسەبىنەن قاجەتتى قاراجاتتار بولىنگەن. سوعان سايكەس، وقۋ ورنىنداعى «اۆتوموبيل كولىگىنە تەحنيكالىق قىزمەت كورسەتۋ، جوندەۋ جانە پايدالانۋ»، «تەمىر جول كولىگىندەگى اۆتوماتيكا، تەلەمەحانيكا جانە قوزعالىستى باسقارۋ» ماماندىقتارى بويىنشا ەڭبەك نارىعىندا سۇرانىسقا يە بىلىكتى ماماندار دايارلاۋ، ولاردىڭ كاسىبي بىلىكتىلىگىن دامىتۋ ماقساتىندا 264 ملن. تەڭگەگە قاجەتتى قۇرال-جابدىقتار ساتىپ الىنعان.
جۇلدىز سۇلەيمەنوۆا - ءبىلىم جانە عىلىمدى دامىتۋ جونىندەگى رەسپۋبليكالىق قوعامدىق كەڭەستىڭ ءتورايىمى، ءماجىلىس دەپۋتاتى، "Nur Otan" پارتياسى فراكتسياسىنىڭ مۇشەسى
جول كارتاسىنىڭ ورىندالۋى باقىلاۋدا
ءماجىلىس دەپۋتاتى جۇلدىز دوسبەرگەنقىزى قالاداعى جەكەمەنشىك نەگىزدە اشىلعان مەكتەپتەردىڭ وقۋ پروتسەسىن باقىلادى. الدىمەن اپاتتى جاعدايداعى عيماراتتىڭ ورنىنا سالىنعان نيزامحان اتىنداعى جالپى ورتا مەكتەپكە باردى. ونداعى سىنىپ بولمەلەرى مەن سپورت زالدى، اسحانانى ارالاپ كوردى. ساباققا قاتىسىپ، بالالارمەن تىلدەستى.
شىمكەنت قالاسىندا 2021-2022 وقۋ جىلىندا پايدالانۋعا بەرىلگەن 1500 وقۋشىنى قامتيتىن «نيزامحان» ورتا مەكتەبىندە مەملەكەتتىك ستاندارتقا سايكەس ءبىلىم بەرىلەدى. وقۋ ەكى تىلدە جۇرگىزىلىپ، بالالار تەگىن وقىتىلادى. وقۋشىلارعا قوسىمشا ۇيىرمەلەر، سپورت سەكتسيالارى، روبوتوتەحنيكا، بي، دومبىرا ۇيىرمەلەرى اشىلعان. ءبىلىم ۇياسىنىڭ عيماراتى وزگە مەتكەپتەردەن ەرەكشە جابدىقتالعان. اسەم ديزاينمەن ارلەنگەن.
«Nur Otan» پارتياسىنىڭ سايلاۋالدى باعدارلاماسىن ىسكە اسىرۋ تۋرالى «وزگەرىستەر جولى: بارشاعا لايىقتى ءومىر!» شىمكەنت قالاسىنىڭ جول كارتاسىندا ءبىلىم سالاسىنا جالپى 13 تاپسىرما باعىتتالىپ، بۇگىنگى تاڭدا ونىڭ 5-ءۋى تولىق ورىندالعان. ءۇش اۋىسىمدى مەكتەپتەردىڭ ماسەلەسىن شەشۋ ماقساتىندا جەكەمەنشىك مەكتەپتەر اشىلۋدا.
