QR Tuńǵysh Prezıdenti, Elbasy, "Nur Otan" partııasynyń Tóraǵasy Nursultan Nazarbaevtyń tapsyrmasyna oraı, “Nur Otan” partııasynyń «Ózgerister joly: Ár azamatqa laıyqty ómir!» atty 2021-2025 jyldarǵa arnalǵan saılaýaldy baǵdarlamasyn oryndaý isi qarqyndy. Osy maqsatta daıyndalǵan Jol kartasy aıasynda Bilim jáne ǵylymdy damytý jónindegi respýblıkalyq Qoǵamdyq keńestiń tóraǵasy, Májilis depýtaty, "Nur Otan" partııasy frakııasynyń múshesi Juldyz Súleımenova Shymkent qalasyndaǵy oqý oryndarynyń jumysymen tanysty.
“Nur Otan” partııasynyń Tóraǵasy, Elbasynyń 2019 jyly “Jastar jyly” aıasynda «Jas maman» jobasynyń oryndalýyn baqylaý maqsatynda Shymkenttegi birqatar oqý oryndaryn aralady. Eń aldymen qaladaǵy №5 «Jeńil ónerkásip jáne servıs kolledjiniń» ujymymen kezdesip, oqý ornynyń materıaldyq-tehnıkalyq jaǵdaıymen tanysty. Odan soń Májilis depýtaty Shymkenttegi Jol-kólik kolledjine bardy. «Jas maman» jobasy boıynsha kolledjdiń tómengi qabat jertólesinde ornalasqan avtomehanıka bólimi men temirjol bólimderiniń zerthanalary men kabınetterin aralady. Garaj kesheninde «Jeńil avtokólikke qyzmet kórsetý jáne jóndeý», «Júk kóligine qyzmet kórsetý», «Shanaq jóndeý» quzyrettilik alańdary, «Qozǵaltqyshtar men transmıssııalardy bólshekteý qurastyrý» zertqanalyq kabınetteriniń qural-jabdyqtaryn kórdi.
Bilim mekemesinde myńnan asa shákir bilim alýda. «Jas maman» jobasy boıynsha materıaldyq-tehnıkalyq bazasyn halyqaralyq standarttar talaptaryna saı sońǵy zamanaýı úlgidegi qural-jabdyqtarmen qamtamasyz etý úshin memleket esebinen qajetti qarajattar bólingen. Soǵan sáıkes, oqý ornyndaǵy «Avtomobıl kóligine tehnıkalyq qyzmet kórsetý, jóndeý jáne paıdalaný», «Temir jol kóligindegi avtomatıka, telemehanıka jáne qozǵalysty basqarý» mamandyqtary boıynsha eńbek naryǵynda suranysqa ıe bilikti mamandar daıarlaý, olardyń kásibı biliktiligin damytý maqsatynda 264 mln. teńgege qajetti qural-jabdyqtar satyp alynǵan.
Juldyz Súleımenova - Bilim jáne ǵylymdy damytý jónindegi respýblıkalyq Qoǵamdyq keńestiń tóraıymy, Májilis depýtaty, "Nur Otan" partııasy frakııasynyń múshesi
JOL KARTASYNYŃ ORYNDALÝY BAQYLAÝDA
Májilis depýtaty Juldyz Dosbergenqyzy qaladaǵy jekemenshik negizde ashylǵan mektepterdiń oqý proesin baqylady. Aldymen apatty jaǵdaıdaǵy ǵımarattyń ornyna salynǵan Nızamhan atyndaǵy jalpy orta mektepke bardy. Ondaǵy synyp bólmeleri men sport zaldy, ashanany aralap kórdi. Sabaqqa qatysyp, balalarmen tildesti.
Shymkent qalasynda 2021-2022 oqý jylynda paıdalanýǵa berilgen 1500 oqýshyny qamtıtyn «Nızamhan» orta mektebinde memlekettik standartqa sáıkes bilim beriledi. Oqý eki tilde júrgizilip, balalar tegin oqytylady. Oqýshylarǵa qosymsha úıirmeler, sport sekııalary, robototehnıka, bı, dombyra úıirmeleri ashylǵan. Bilim uıasynyń ǵımaraty ózge metkepterden erekshe jabdyqtalǵan. Ásem dızaınmen árlengen.
«Nur Otan» partııasynyń saılaýaldy baǵdarlamasyn iske asyrý týraly «Ózgerister joly: barshaǵa laıyqty ómir!» Shymkent qalasynyń Jol kartasynda bilim salasyna jalpy 13 tapsyrma baǵyttalyp, búgingi tańda onyń 5-ýi tolyq oryndalǵan. Úsh aýysymdy mektepterdiń máselesin sheshý maqsatynda jekemenshik mektepter ashylýda.
