شىمكەنتتىڭ جاستارى بۇدان بىلاي ورتالىققا قاراي سابىلمايتىن بولدى. ولار وزدەرى تۇراتىن اۋدانداعى ورتالىققا بارىپ قاجەتتى كەڭەس الۋعا جول اشىلدى. ءتىپتى، ءوزىن جان-جاقتى دامىتامىن دەگەندەر ۇشىندە مۇمكىندىكتەر قاراستىرىلعان. ەل تاۋەلسىزدىگىنىڭ 30 جىلدىعىنا وراي شىمشاھارداعى 4 اۋداندا اشىلعان بولىمشەلەردى بۇگىن قالا اكىمى مۇرات ايتەنوۆ ءوزى بارىپ كورىپ قايتتى.
ءاربىر باعىت بويىنشا مۇندا جاستار شىعارماشىلىقتارىن شىڭداپ قانا قويماي، جاس كاسىپكەرگە اينالۋدا عاجاپ ەمەس. ولارعا كەڭەس بەرۋدە تىڭعىلىقتى تىرلىكتى تالاپ ەتكەن قالا اكىمى مۇرات ايتەنوۆ نەسيەلەندىرۋ جولدارى ارقىلى جان-جاقتى مۇمكىندىكتەردى قاراستىرعان ءجون ەكەنىن ايتتى.
ەرلان ايتباەۆ – شىمكەنت قالالىق جاستار رەسۋرستىق ورتالىعىنىڭ ديرەكتورى
قاراتاۋ اۋدانىنان اشىلعان بولىمشە عيماراتتىڭ ورنالاسۋ جەرىنە دە اسا ءمان بەرىلگەن. جانىندا 2 مەكتەپ، 4 وقۋ ورتالىعى، ساياباق، گۇلزار، تەاتر، مادەنيەت ءۇيى، كىتاپحانا، اۋلا كلۋبى، 50 شاقتى كوپقاباتتى ءۇي بار. مۇنىڭ ءوزى جاستارمەن جۇمىس جۇرگىزۋگە، ولاردىڭ بوس ۋاقىتىن ءتيىمدى وتكىزۋگە قولايلى بولىپ وتىر. دەگەنمەن، كەلەشەكتە عيمارات اۋماعىن ۇلكەيتۋدى قالا اكىمى قولداپ وتىر.
مۇرات ايتەنوۆ – شىمكەنت قالاسىنىڭ اكىمى
ورتالىقتىڭ جۇمىسىمەن تانىسىپ، جاستارمەن سۇقباتتاسقان شاھار باسشىسى ارالاۋ سوڭىندا «قازاقستان جاستار كونگرەسى» زاڭدى تۇلعالار بىرلەستىگىنىڭ اتقارۋشى ديرەكتورى توقتار بولىسوۆپەن ىنتىماقتاستىق تۋرالى مەموراندۋمعا قول قويدى.
شىمكەنت – جاستاردىڭ قالاسى. بۇگىندە قالا حالقىنىڭ 23 پايىزىن جاستار قۇرايدى. ونىڭ ىشىندە قاراتاۋ، ءال-فارابي، اباي اۋداندارىنداعى جاستاردىڭ ۇلەسى باسىمىراق بولسا، ەڭبەكشىدە بۇل كورسەتكىش تومەندەۋ ەكەن. شاھاردا اشىلعان ورتالىق بولىمشەلەرى ءال-فارابي اۋدانى بويىنشا سول بۇرىنعى جرو ورتالىعىندا ورنالاسسا، اباي اۋدانى بويىنشا كرەمليوۆسكي كوشەسى 38/2 ۇيىندە ورنالاسقان. ال، قاراتاۋدا نۇرسات شاعىن اۋدانى 200/18 ءۇي بولىپ بەكىتىلسە، ەڭبەكشىدەگى بولىمشەنى تەرىسكەي كوشەسىنەن تابا الاسىز.
