Shymkenttiń jastary budan bylaı ortalyqqa qaraı sabylmaıtyn boldy. Olar ózderi turatyn aýdandaǵy ortalyqqa baryp qajetti keńes alýǵa jol ashyldy. Tipti, ózin jan-jaqty damytamyn degender úshinde múmkindikter qarastyrylǵan. El Táýelsizdiginiń 30 jyldyǵyna oraı shymshahardaǵy 4 aýdanda ashylǵan bólimshelerdi búgin qala ákimi Murat Áıtenov ózi baryp kórip qaıtty.
Árbir baǵyt boıynsha munda jastar shyǵarmashylyqtaryn shyńdap qana qoımaı, jas kásipkerge aınalýda ǵajap emes. Olarǵa keńes berýde tyńǵylyqty tirlikti talap etken qala ákimi Murat Áıtenov nesıelendirý joldary arqyly jan-jaqty múmkindikterdi qarastyrǵan jón ekenin aıtty.
Erlan Aıtbaev – Shymkent qalalyq jastar resýrstyq ortalyǵynyń dırektory
Qarataý aýdanynan ashylǵan bólimshe ǵımarattyń ornalasý jerine de asa mán berilgen. Janynda 2 mektep, 4 oqý ortalyǵy, saıabaq, gúlzar, teatr, mádenıet úıi, kitaphana, aýla klýby, 50 shaqty kópqabatty úı bar. Munyń ózi jastarmen jumys júrgizýge, olardyń bos ýaqytyn tıimdi ótkizýge qolaıly bolyp otyr. Degenmen, keleshekte ǵımarat aýmaǵyn úlkeıtýdi qala ákimi qoldap otyr.
Murat Áıtenov – Shymkent qalasynyń ákimi
Ortalyqtyń jumysymen tanysyp, jastarmen suqbattasqan shahar basshysy aralaý sońynda «Qazaqstan jastar kongresi» zańdy tulǵalar birlestiginiń atqarýshy dırektory Toqtar Bolysovpen yntymaqtastyq týraly memorandýmǵa qol qoıdy.
Shymkent – jastardyń qalasy. Búginde qala halqynyń 23 paıyzyn jastar quraıdy. Onyń ishinde Qarataý, Ál-Farabı, Abaı aýdandaryndaǵy jastardyń úlesi basymyraq bolsa, Eńbekshide bul kórsetkish tómendeý eken. Shaharda ashylǵan ortalyq bólimsheleri Ál-Farabı aýdany boıynsha sol burynǵy JRO ortalyǵynda ornalassa, Abaı aýdany boıynsha Kremlıovskıı kóshesi 38/2 úıinde ornalasqan. Al, Qarataýda Nursat shaǵyn aýdany 200/18 úı bolyp bekitilse, Eńbekshidegi bólimsheni Teriskeı kóshesinen taba alasyz.