شىمكەنت قالاسىنداعى جۇرەك ورتالىعىندا زاماناۋي كومپيۋتەرلىك توموگرافيا كابينەتى اشىلدى. ونداعى جاڭا قوندىرعى كورەيا ەلىنەن ارنايى اكەلىنگەن. اق حالاتتىلار جۇرەك اۋرۋلارىنان بولاتىن ءولىم-ءجىتىم سانىن ازايتىپ، ناۋقاستاردى دەر كەزىندە دياگنوستيكادان وتكىزۋدە زاماناۋي قۇرىلعىنىڭ ماڭىزدىلىعى زور دەيدى.
سوڭعى ۇلگىدەگى قوندىرعىنىڭ قۇنى 300 ملن تەڭگە تۇرادى. مۇنداي قۇرال ەلىمىز بويىنشا ساۋساقپەن سانارلىق ەكەن. ەكەۋى نۇر-سۇلتان مەن الماتى قالاسىنداعى ورتالىقتارعا قوندىرىلىپتى. وسىعان دەيىن جۇرەك ورتالىعىنا تۇسكەن ناۋقاستار دياگنوستيكادان ءوتۋ ءۇشىن وزگە مەديتسينالىق ۇيىمدارعا ساندالاتىن دەيدى سالاعا جاۋاپتىلار. قولدانىستاعى قۇرىلعىلاردىڭ ساپاسى بۇدان الدەقايدا ساپاسى تومەن دەيدى سالاعا جاۋاپتىلار.
باقىتجان پوزيلوۆ شىمكەنت قالاسى دەنساۋلىق ساقتاۋ باسقارماسىنىڭ باسشىسى: قوندىرعىمەن جۇمىس ىستەۋدى دارىگەرلەر، لابورانتتار ۇيرەندى....
جوعارى ساپالى توموگرافيا جۇرەك، قان اينالىمى اۋرۋلارى دياگنوستيكاسىندا عانا ەمەس باس-سۇيەك، وكپە، اۋرۋلارىن انىقتاۋدا دا تاپتىرمايتىن قۇرىلعى دەيدى دارىگەرلەر. شىمكەنتتە بۇگىندە 12 ورتالىقتا كومپيۋتەرلىك توموگرافيا بار. كوۆيد ىندەتى ۋشىققان تۇستا قۇرىلعىلار جەتىسپەي، ناۋقاستار دا دارىگەرلەر دە ابىگەر بولادى ەكەن. ەندى پاندەميا كەزىندە ورتالىقتاعى جاڭا قۇرىلعىنى دا پايدالانۋعا بولادى دەيدى دارىگەرلەر.
دارحان سۇيگەنباەۆ. “شىمكەنت جۇرەك ورتالىعى” اق-نىڭ باسقارما توراعاسى: كومپيۋتەرلىك زەرتتەۋ بۇگىندە وزەكتى تاقىرىپ بولىپ وتىر. كورەيا ەلىنەن الدىرىلعان كومپيۋتەرلىك توموگرافيانىڭ رەسپۋبليكالىق ترانشتان بولىنگەن قارجىعا ساتىلىپ الىندى. قوندىرعىنىڭ 160 سرەزدىك كارديولوگيالىق وپتسياسى بار. بۇل جاڭا قۇرال ارقىلى تەك جۇرەكتىڭ اۋرۋلارىن عانا ەمەس، باسقا دا تۇرلىسىرقاتتاردى دەر كەزىندە انىقتاۋعا سەپ بولىپ، ولىم-ءجىتىمدى الدىن الۋعا مۇمكىندىك تۋادى.
ەل پرەزيدەنتى قاسىم-جومارت توقاەۆ كەزەكتى جولداۋىندا دەنساۋلىق ساقتاۋ سالاسىنا ەرەكشە ءمان بەردى. مەملەكەت باسشىسى قاراجاتتىڭ ەڭ الدىمەن ءدارى-دارمەك پەن قۇرال جابدىقتارمەن قامتاماسىز ەتۋگە باعىتتالاتىنىن پىسىقتاپ بەردى. وسىنى ەسكەرگەن سالاعا جاۋاپتىلار الداعى ۋاقىتتا ايماقتاعى جالعىز جۇرەك ورتالىعىنداعى قۇرال-جابدىقتاردى سوڭعى ۇلگىدەگى تەحنيكالەرمەن الماستىرامىز دەپ وتىر.
