Shymkent qalasyndaǵy Júrek ortalyǵynda zamanaýı kompıýterlik tomografııa kabıneti ashyldy. Ondaǵy jańa qondyrǵy Koreıa elinen arnaıy ákelingen. Aq halattylar júrek aýrýlarynan bolatyn ólim-jitim sanyn azaıtyp, naýqastardy der kezinde dıagnostıkadan ótkizýde zamanaýı qurylǵynyń mańyzdylyǵy zor deıdi.
Sońǵy úlgidegi qondyrǵynyń quny 300 mln teńge turady. Mundaı qural elimiz boıynsha saýsaqpen sanarlyq eken. Ekeýi Nur-sultan men Almaty qalasyndaǵy ortalyqtarǵa qondyrylypty. Osyǵan deıin Júrek ortalyǵyna túsken naýqastar dıagnostıkadan ótý úshin ózge medıınalyq uıymdarǵa sandalatyn deıdi salaǵa jaýaptylar. Qoldanystaǵy qurylǵylardyń sapasy budan áldeqaıda sapasy tómen deıdi salaǵa jaýaptylar.
Baqytjan Pozılov Shymkent qalasy densaýlyq saqtaý basqarmasynyń basshysy: Qondyrǵymen jumys isteýdi dárigerler, laboranttar úırendi....
Joǵary sapaly tomografııa júrek, qan aınalymy aýrýlary dıagnostıkasynda ǵana emes bas-súıek, ókpe, aýrýlaryn anyqtaýda da taptyrmaıtyn qurylǵy deıdi dárigerler. Shymkentte búginde 12 ortalyqta kompıýterlik tomografııa bar. Kovıd indeti ýshyqqan tusta qurylǵylar jetispeı, naýqastar da dárigerler de ábiger bolady eken. Endi pandemııa kezinde ortalyqtaǵy jańa qurylǵyny da paıdalanýǵa bolady deıdi dárigerler.
Darhan Súıgenbaev. “Shymkent júrek ortalyǵy” AQ-nyń basqarma tóraǵasy: Kompıýterlik zertteý búginde ózekti taqyryp bolyp otyr. Koreıa elinen aldyrylǵan kompıýterlik tomografııanyń respýblıkalyq transhtan bólingen qarjyǵa satylyp alyndy. Qondyrǵynyń 160 srezdik kardıologııalyq opııasy bar. Bul jańa qural arqyly tek júrektiń aýrýlaryn ǵana emes, basqa da túrlisyrqattardy der kezinde anyqtaýǵa sep bolyp, ólim-jitimdi aldyn alýǵa múmkindik týady.
El Prezıdenti Qasym-Jomart Toqaev kezekti Joldaýynda densaýlyq saqtaý salasyna erekshe mán berdi. Memleket basshysy qarajattyń eń aldymen dári-dármek pen qural jabdyqtarmen qamtamasyz etýge baǵyttalatynyn pysyqtap berdi. Osyny eskergen salaǵa jaýaptylar aldaǵy ýaqytta aımaqtaǵy jalǵyz júrek ortalyǵyndaǵy qural-jabdyqtardy sońǵy úlgidegi tehnıkalermen almastyramyz dep otyr.