قالا مەكتەپتەرىندە تاۋەلسىزدىك جەتىستىكتەرى سارالاندى

1354
Adyrna.kz Telegram

«تاۋەلسىزدىك جەتىستىگى»... وسىنداي ايدارمەن شىمشاھارداعى بارلىق مەكتەپتەردە قىركۇيەك ايىندا ەل تاۋەلسىزدىگىنىڭ 30 جىلدىعىنا وراي سىنىپ ساعاتى مەن اشىق ساباقتار وتكىزىلەدى. ۇرپاق ساناسىنا ەگەمەندىك جىلداردىڭ قاسيەتىن تۇسىندىرەر جوبا اياسىنداعى تاربيە ساعاتى جالپى ءبىلىم بەرەتىن №137 ورتا مەكتەبىندە باستاۋ الدى.

جوبانىڭ ەرەكشەلىگى اشىق ساباققا تەك وقۋشى مەن ۇستازدار عانا قاتىسپاي، قالانىڭ قالىپتاسۋىنا جانە ايماقتىڭ دامۋىنا ۇلەس قوسقان زيالى قاۋىم وكىلدەرى ارنايى شاقىرىلعان. جيىنعا ارداگەر ۇستازدار،  «شىمكەنت قالاسىنىڭ ايەلدەر كەڭەسى» قوعامدىق بىرلەستىگىنىڭ وكىلدەرى جانە وقۋ-ادىستەمەلىك ورتالىعىنىڭ باسشىلارى قاتىستى.

مەرۋەرت مەدەتبەكوۆا – شىمكەنت قالالىق وقۋ-ادىستەمەلىك ورتالىعىنىڭ ديرەكتورى

تاۋەلسىزدىكتىڭ جەتىستىكتەرىن جەتە تۇسىنگەن جاس بۋىن، كەزدەسۋگە كەلگەن قوناقتارعا سۇراقتار قويىپ، ەلىمىزدىڭ وتكەنى مەن بۇگىنى جايىندا قىزۋ پىكىرتالاس ۇيىمداستىردى.

ەلميرا قانتاەۆا - №137 ورتا مەكتەبىنىڭ ديرەكتورى

سىنىپ ساعاتىندا وقۋشىلارعا ەل تاۋەلسىزدىگىنىڭ 30 جىل ىشىندە قول جەتكەن جەتىستىكتەرى، ەلىمىزدىڭ ساياسي-الەۋمەتتىك احۋالى، ءبىلىم مەن مادەنيەت، تاريح، رۋحاني قۇندىلىقتار، ەل بىرلىگى مەن تىنىشتىعى تۋرالى كەلەلى سوزدەر ايتىلدى. ءىس-شارادا وقۋشىلار ءوز ونەرلەرىن ورتاعا سالدى. ءبىرى اقىن-جازۋشىلاردىڭ ولەڭىن جاتقا وقىسا، ەندى ءبىرى دومبىرامەن ءان شىرقادى.

 

گ. قالمىرزاقىزى

پىكىرلەر