«Táýelsizdik jetistigi»... Osyndaı aıdarmen Shymshahardaǵy barlyq mektepterde qyrkúıek aıynda el Táýelsizdiginiń 30 jyldyǵyna oraı synyp saǵaty men ashyq sabaqtar ótkiziledi. Urpaq sanasyna egemendik jyldardyń qasıetin túsindirer joba aıasyndaǵy tárbıe saǵaty jalpy bilim beretin №137 orta mektebinde bastaý aldy.
Jobanyń ereksheligi ashyq sabaqqa tek oqýshy men ustazdar ǵana qatyspaı, qalanyń qalyptasýyna jáne aımaqtyń damýyna úles qosqan zııaly qaýym ókilderi arnaıy shaqyrylǵan. Jıynǵa ardager ustazdar, «Shymkent qalasynyń áıelder keńesi» qoǵamdyq birlestiginiń ókilderi jáne oqý-ádistemelik ortalyǵynyń basshylary qatysty.
Merýert Medetbekova – Shymkent qalalyq oqý-ádistemelik ortalyǵynyń dırektory
Táýelsizdiktiń jetistikterin jete túsingen jas býyn, kezdesýge kelgen qonaqtarǵa suraqtar qoıyp, elimizdiń ótkeni men búgini jaıynda qyzý pikirtalas uıymdastyrdy.
Elmıra Qantaeva - №137 orta mektebiniń dırektory
Synyp saǵatynda oqýshylarǵa el Táýelsizdiginiń 30 jyl ishinde qol jetken jetistikteri, elimizdiń saıası-áleýmettik ahýaly, bilim men mádenıet, tarıh, rýhanı qundylyqtar, el birligi men tynyshtyǵy týraly keleli sózder aıtyldy. Is-sharada oqýshylar óz ónerlerin ortaǵa saldy. Biri aqyn-jazýshylardyń óleńin jatqa oqysa, endi biri dombyramen án shyrqady.
G. Qalmyrzaqyzy
